Vörlaag:Hööftsiet/utwählt Artikel dissen Maand/2012-06
De Watergate-Schandaal weer en politischen Schandaal Anfang vun de 1970er Johren in de USA. De Naam kummt vun den Watergate-Hüüskomplex, woneem to de Tiet de Demokraatsche Partei jemehrn Hööftsitt harr. Dor weern an’n 17. Juni 1972 fief Inbrekers fastnahmen, de de Partei utspioneren wulln. As sik rutstell, weern de Inbrekers vun Mitarbeiters vun’n Präsident un sien Wahlkampkomitee anhüert. Bi’t Ünnersöken keem togang, dat dat vörher al tallrieke annere Fäll vun Amtsmissbruuk un Verbreken op Anwiesen vun’t Witte Huus geven hett. As Naklapp vun den Schandaal müss Präsident Richard Nixon 1974 vun sien Amt torüchpedden. An’t Rutfinnen vun de Wohrheit weern sünners de beiden Journalisten Bob Woodward un Carl Bernstein, de för jemehr Berichten 1973 mit den Pulitzer-Pries ehrt weern.