Utstüür
.jpg)
Utstüür weer in fröhere Tieden een Oort Affinnen vun Tohuus. Bit wiet in de tweete Hälfte vun dat twintigste Johrhunnert sammeln Deerns – deelwies fung dat all mit de Döff an – för ehr Utstüür, de se mitkreegen, wenn se as Brut ut Huus güngen.[1] Vereentelt keem dat ok vör, dat Söhns een Utstüür mitkreegen, wenn se sik vun Buurnhoff wechheiraden deen.
So hett sik dat entwickelt
[ännern | Bornkood ännern]För de Utstüür sammeln de Deerns in'ne Hauptsaak Wäsche, Sülverbesteck, Porzellangescheer un Glöösٴ, af un an hörzen ok Kökengerätschaften un Möbel dorto. In de Wäsche – Dischwäsche, Bettwäsche un Handdööker – stickten se de Anfangsbookstaven vun ehren Namen. Ok in dat Sülverbesteck leeten se deelwies ehren Namen ingraveern. Obbewohrt worr dat Gesammelte in een besünneret Schapp oder in een Utstüürtruhe.
Besünners watt de Wäsche angüng, geev dat Kooplüüd un Versandhüüs, de sik op Utstüürware spezialiseern deen. Watt för de Utstüür weer een beleevdet Geschink to'n Geburtsdag, to Wiehnachten un to de Konfirmadschon.[1]
Mit de Johrn sett sik dörch, dat een gode Utbildung de betere Utstüür för Deerns is, un dat Sammeln güng torüch. Oftmols schlüüt Öllern hüdigendags een Utstüürverseekerung – ok för de Jungs –af.
Schnacks
[ännern | Bornkood ännern]- Een is op den Hund kamen: Ünnen op den Grund harr de Utstüürtruhe oftmols een opmalten Hund. Kunn man den Hund sehn, bedüh dat, dat de Utstüür, de eegentlich för dat ganze Leven recken schull, nich rieklich genuch ween weer.
- Sik watt op de hooge Kant leggen: Ünner den Deckel harr de Truhe oftmols an de Siet ein lüttet Fach, worin man Boorgeld anspoorte. Dat weer de hooge Kant.