Universität Ossenbrügge

Vun Wikipedia
Zur Navigation springen Zur Suche springen

De Universität Osssenbrügge is en apenlich Universität in Ossenbrügge, Neddersassen.

Se besteiht siet 1974 un is in de hüüdig Form ut en Pädagogisch Hoochschool, de Adolf-Reichwein-Hoochschool, hervörgahn, de siet 1953 ehr Sitt in dat Slott Ossenbrügge harr.

In' Middelpunkt vun de Forschung steiht een Völtahl vun interdisziplinären Studiengängen, de blots an wenig düütsch Universitäten anboden wurrn oder de dat in disse Form blots in Ossenbrügge gifft. Dorto hörrn bispeelswies Stüerwetenschapen (LL.M. Taxation), Anwend Systemwetenschap un Cognitive Science. Zentrale interdisziplinäre Inrichtungen sünd dat Institut för Migratschonsforschung un Interkulturelle Studien (IMIS), dat Interdisziplinäre Institut för de Kulturgeschichte vun de Fröh Neetiet as ok dat Institut för Finanz- un Stüerrecht.

Siet 1999 finanzeert de Düütsch Forschungsgemeenschap (DFG) en biowetenschaplichen Sünnerforschungsberiek Membranproteine, mit den de Universität in de biologischen Spitzenforschung vertreden is. Mit dat Studienprogramm Cognitive Science hett sück de Universität Ossenbrügge en internatschonal beacht Forschungsrebeet erslooten. Ok dat European Legal Studies Institute hörrt in de Rechtsverglieken un Rechtsvereenheitlichung to de wichtigst Forschensinrichtungen in Europa.

Mehrere Gradueertenkollegs as ok en international Promotschonsprogramm in de Physik fördern de jung Wetenschapler un Wetenschaplerinnen. De botanisch Gorden bütt sowohl Wetenschaplern as ok Studeerenden ausgezeichnete Arbeitsbedingungen.

Fackberieken[ännern | Bornkood ännern]

Nahdem 2015 de ehmals eegenstännig Fackberieken 1 (Sozialwetenschapen) un 2 (Kultur- un Geowetenschapen) to en nee Fackberiek tosommenführt wurrn, sünd nu folgen negen Fackberieken an de Universität Ossenbrügge ansässig:[1]

Historie vun de Universität[ännern | Bornkood ännern]

Kardinal Franz Wilhelm von Wartenberg – Grünner vun de Ossenbrügger Universität 1629 bzw. 1632

De 1974 erricht Universität Ossenbrügge hett sück bi hör Grünnen up de 1629 bzw. 1632 vun den Wittelsbacher Franz Wilhelm von Wartenberg in Ossenbrügge grünnd Jesuitenuniversität, ok „Academia Carolina Osnabrugensis“ nömmt, beropen. De weer ut dat Gymnasium Carolinum entstahn. Vun de Jesuitenuniversität hett de Ossenbrügger Neegrünnen tonächst dat Universitätswappen övernommen, dat dorhengahnd ännert wurr, dat bi de afbild christlich Figuren de Hilligenschien wegnommen wurr.

1970: Inrichtennsbesluss vun de Landsregeeren vun Neddersassen
1973: Organisatschonsgesett för de Universität Ossenbrügge
1974: Upnahm vun den universitären Studienbedriev in dat Sommersemester

Standöörd[ännern | Bornkood ännern]

"AVZ"-Bowark an den Westerbarg

De Universität Ossenbrügge verfügt nich över en zentralen Campus. Stattdessen sünd sämtlich Bowarken vörrangig up twee Regionen in de Stadt (Stadtdeelen Binnenstadt un Westerbarg) verdeelt.

Dat zentraal Bowark un Verwaltenssitt is dat vun den protestantschen Fürstbischop Ernst August I. vun Brunswiek-Lümborg 1667 baut barocke Slott Ossenbrügge an' Rand vun de Oltstadt. Geistes- un wertschapswetenschapliche Fackberieke as ok dat Juridicum befinnen sück stuuf dicht bi över den westlichen Deel vun de Binnenstadt verdeelt. Natuurwetenschapliche, mathematische un humanwetenschapliche Fackberieken sünd etwa 20 Minütt to Foot weg up den „Campus Westerberg“ ünnerbrocht. Dor befind sück ok de botaansch Gorden as ok de Fackhoochschool Ossenbrügge.[2] Bit 1995 hörr de jetzt sülvstännige Universität Vechte de Universität Ossenbrügge an. De dormalig Naam vun den Standoort Vechte weer „Universität Osnabrück - Abteilung Vechta“.

Universitätsbibliothek[ännern | Bornkood ännern]

Olt- (r.) un Neebau (l.) vun de Berieksbibliothek B

De Universitätsbibliothek (UB) Ossenbrügge besitt rund 1,475 Millionen Bände (Monographien, Tietschriften un anner Medien), dorto kommen noch över 12.000 E-Journals un över 100 Online-Datenbanken. Mit en Etat för den Ankoop vun knapp een Million EUR (plus Sünnermiddel) pro Johr wurrn jedes Johr rund 30.000 nee Bände anschafft. Vun de Bruuker vun de UB wurrn jedes Johr rund 350.000 Böker utlehnt un 30.000 Feernleehbestellungen upgeeven. De Bibliothek ünnerdeelt sück in veer Berieksbibliotheken an veer Standöörd: De Berieksbibliothek B för de Philologien un Kulturwetenschapen, de Berieksbibliothek G för de Sozialwetenschapen, de Berieksbibliothek J/W för de Rechts- un Wertschapswetenschapen un de Berieksbibliothek N för de Natuurwetenschapen. De Bibliotheken B, G un J/W liggen zentraal in de Binnenstadt, de Berieksbibliothek N hett sien Standoort up den Westerbarg. Studeerende vun de Universität un de Fackhoochschool Ossenbrügge as ok Lehrende, Schöler un Bewahner vun de Stadt un Region Ossenbrügge könnt de Angebote vun de UB in Anspröök nehmen. De dorför bruukt Bruukerutwies köst eenmalig en Gebühr vun 5 EUR (Stand: 2012). Neben den nömmt Medien steht den Bruukern doröver herut noch rund 700 Arbeitsplätze, Eenzel- un Gruppenrüüms, PC-Arbeitsplätze för Recherchen un Zeitungsleserüüms to Verfügung.[3]

Partneruniversitäten[ännern | Bornkood ännern]

De Universität Ossenbrügge pleegt, as völ Universitäten in Düütschland, Kuntakte to anner Hoochschoolen weltwiet. All tosommen hett de Universität un de verscheeden Fackberiekn mehr as 90 Partneruniversitäten in Europa, Asien, Amerika, Ozeanien un Afrika. Neben gemeensam Forschensprojekten steiht vör allen de Uttuusch vun Studeerenden un Wetenschaplern in' Vördergrund.[4]

Utteknungen[ännern | Bornkood ännern]

Familiengerechte Hochschule 2008.jpg

Grundzertifikat 2008 „audit familiengerechte hochschule“[ännern | Bornkood ännern]

De Universität Osnabrück wurr an' 28. April 2008 vun de berufundfamilien gemeennützigen GmbH mit dat „Grundzertifikat 2008 audit familiengerechte hochschule“ uttekent. Teel vun de Auditeeren un Zertifizeeren is, dör en familiebewusste Universität de besten Köpp vun dat Land to winnen. Bither wurrn ünner anner de Arbeitskreis „Studieren mit Kind“, de Initiativkreis Kinnerbetrüen. zwee Kinnertagesstäen un völ wiedere wichtige Institutschonen grünnd un Maatnahmen schafft.[5]

Biller vun de Universitätsbowarken[ännern | Bornkood ännern]

Bekannte Afsolventen (Utwahl)[ännern | Bornkood ännern]

  • Engin Firat (* 1970), törksch Footballtrainer Sportwetenschapen)
  • Olaf Fritsche (* 1967), düütsch Schriever (Biophysik)
  • Helmut Gels (* 1952), Börgermeister vun Vechte (Rechtswetenschapen)
  • Natalie Hof (* 1986), düütsch Pokerspelerin un Moderatsche (Pädagogik un Theologie)
  • Heinz Rudolf Kunze (* 1956), düütsch Schriever un Rocksinger (Germanistik un Philosophie)
  • Oliver Lowin (* 1974), düütsch Politiker (SPD) un Landdagsafordneter (Rechtswetenschapen)
  • Hubert Müller (1936–1995), düütsch kathoolsch Theoloog (Philosophie un Kathoolsch Theologie)
  • Bernd Schlömer (* 1971), düütsch Politiker (Piratenpartei) (Sozialwetenschapen)
  • Martin Schwanholz (* 1960), düütsch Politiker (SPD) un Bundsdagsafordneter (Wertschaps- un Sozialwetenschapen)
  • Wolfgang Spickermann (* 1959), düütsch Olthistoriker (Philosophie un Kathoolsch Theologie)
  • Michael Timme (* 1971), Perfesser (Rechtswetenschapen)
  • Rainer Werning (* 1949), Publizist (Sozialwetenschapen)
  • Christian Wulff (* 1959), düütsch Politiker (CDU) Ministerpräsident vun Neddersassen un Bundspräsident (Rechtswetenschapen)

Weblenken[ännern | Bornkood ännern]

Commons-logo.svg Universität Ossenbrügge. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Wiedere Informatschoonen sünd to finnen ünner: Fachbereiche. Letzte Aktualisierung: 8. Mai 2015.
  2. Wiedere Informatschonen kie künner: Laagplaan vun de Universitätsbowarken. Stand: 8. Mai 2015.
  3. Körtinführen vun de UB (PDF; 882 kB), afropen an' 10. Januar 2009.
  4. Vergliek ok: Partneruniversitäten. Toletzt aktualiseert: 28. Januar 2008.
  5. www.beruf-und-familie.de (PDF; 104 kB), van' 28. April 2008.


Koordinaten:52° 16′ N, 8° 3′ O