Ulrich Getsch

Vun Wikipedia
Zur Navigation springen Zur Suche springen

Ulrich Getsch (* 21. August 1949 in Hameln) is en düütschen Politiker.

Getsch is 1949 in Hameln boren. He weer dor von 1956 bet 1965 op de Volksschool un bet 1967 op de tweejohrige Hannelsschool. Von 1967 bet 1969 hett he denn en Lehr as Industriekoopmann bi de Maschinenfabrik Stahlkontor Weser Lenze KG in Grauten Barkel maakt.

Von 1971 bet 1974 hett he BWL an de FH Willemshaven studeert un denn von 1974 bet 1979 Weertschopspädagogik an de Georg-August-Universität Chöttingen. Na dat Studium hett he för een Johr bi Wolff Wasra arbeidt. Von 1980 bet 1982 weer he as Referendar an de Beroopsscholen Cuxhoben. 1990 hett he sien Dokter an de Georg-August-Universität Göttingen maakt.

1982 hett Getsch as Studienraad an de BBS I in Cuxhoben anfungen un is dor bet 1995 bleven. Von 1995 bet 2004 weer he Projektbaas bi dat Seminar för Weertschopspädagogik an de Georg-August-Universität Göttingen. Von 2004 bet to’n 31. Januar 2008 weer he Baas von de BBS I in Cuxhoben un denn von’n 1. Februar 2008 bet to’n 31. Oktober 2011 Baas von all de Beroopsscholen in Cuxhoben.

An’n 11. September 2011 is Getsch bi de Kommunalwahlen in Neddersassen mit 37,62 % von de Stimmen as parteilosen Kannedaat von CDU, FDP un De Grönen as Böverbörgermeester von Cuxhoben wählt worrn un hett Susanne Puvogel as Kannedaat von de SPD (37,0 %) un Rüdiger Kurmann as Kannedaat von De Cuxhobener (25,4 %) slahn. He hett dat Amt an’n 1. November von sien Vörgänger Arno Stabbert övernahmen.

He is ok Verwaltungsraad bi de Stadtspoorkass Cuxhoben.

Getsch is Weetmann un hett dree Kinner.

Weblenken[ännern | Bornkood ännern]