UN World Food Programme

Vun Wikipedia

Dat Weltnehrensprogramm vun de Vereente Natschonen (engelsch: UN World Food Programme, WFP) is en gemeensam vun de Generalversammlung vun de Vereente Natschonen un de Nehrens- un Landwertschapsorganisatschoon vun de Vereente Natschonen (FAO) dragen humanitäre Inrichhtung un de wichtigste Institutschoon vun de Vereente Natschonen in den Kamp tegen den globalen Hunger. 2011 hett dat WFP 99,1 Millionen Minschen mit Nehrenshülp in 75 Lännern ünnerstütt. Gröttstendeels hannelt sück dat dorbi um de Versörgen vun Minschen in Not mit Nehrensmiddel nah Natuurkatastrophen, Dürren oder gewalttätigen Konflikten. Buterdem helpt dat WFP ok Minschen in Rebeeden mit düersam slecht Nehrenslaag un führt dor Entwicklungsprojekte dör. Dorto tellen Schoolspiesensprogramme[1] för etwa 25 Millionen Kinner pro Johr in 60 Länner un so nöömt Food-for-Work-Programme, bi de Minschen Nehrensmiddel as Utgliek för hör daan Arbeit kriegen, de de nahhollend Entwicklung deenen – etwa den Bau vun Pütten oder Bewässerungskanälen.

Neben acht Verbindungsbüros in de wichtigst Geverstaaten (u. a. in Berlin för den düütschspraakigen Ruum) gifft dat weltwiet über 70 Lännerbüros, in de dat WFP de Arbeit vör Oort tosommenbringt.[2]

2020 wurr de Organisatschoon de Freedensnobelpries för ehrn Insatz „im Kampf gegen Hunger und für bessere Friedensbedingungen in Konfliktregionen“ tospraaken. Se weer „eine treibende Kraft, um zu verhindern, dass Hunger als Waffe in Krieg und Konflikten eingesetzt werde“.[3][4]

Organisatschoon un Finanzeeren[ännern | Bornkood ännern]

Dat Hööftquartier vun dat WFP liggt in de italieensch Hööftstadt Rom. De Organisation beschäftigt circa 15.000 Mitarbeiter, worvun 90 % vun de Mitarbeiter in de Projektlänner arbeiten.[5] Exekutivdirekter vun dat WFP is siet April 2017 de US-Amerikaner David Beasley. De Baas vun dat Verbindungsbüros in Berlin för Düütschland, Öösterriek un Liechtensteen is Ralf Südhoff.[6][7]

Dat WFP hett blots en bannig minn fasten Etat. De Inrichtung betallt sück överweegend ut freewillig Towennen vun de Geverstaaten, de in de Regel bestimmte Programme teelt finanzieren. Buterdem sünd Spennen vun Ünnernehmen un Privatpersonen vun Bedüüden.

Geschichte[ännern | Bornkood ännern]

Lockheed C-130 vun de UN mit Nehrensmiddelleefern för den Sudan, Kenia 2004

De Grünnen vun dat WFP wurr 1961 vun de UN-Generalversammlung un de FAO beslooten, um de Nehrensmiddelversörgen in Kriegs- un Katastrophenrebeeden to sekern. 1963 hett dat WFP sien Arbeit offiziell upnommen.

Weblinks[ännern | Bornkood ännern]

United Nations World Food Program. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Schulspeisungprogramme, tosätzlich Text.
  2. Länderbüros, tosätzlich Text.
  3. The Nobel Peace Prize 2020. In: nobelprize.org, 9. Oktober 2020.
  4. UN-Organisation: Welternährungsprogramm erhält den Friedensnobelpreis. In: Handelsblatt.com. 9. Oktober 2020, afropen an’n 9. Oktober 2020.
  5. Mitarbeiter, tosätzlicher Text.
  6. Ralf Südhoff (Memento von’n 20. Oktober 2012 in dat Internet Archive), zusätzlicher Text.
  7. WFP Büro für Deutschland, Österreich und Liechtenstein