Tumbaga

Vun Wikipedia
Wesseln na: Navigatschoon, Söök
En Bostschuul ut Tumbaga vun de Quimbaya-Kultur, 300-1600

Tumbaga (ok Tumbago) is en Legeeren, dat to’n gröttsten Deel ut Gold un Kopper besteiht. De Proportschoon vun’t Mischen is nich nipp un nau fastleggt, Kopper kann dorbi ’n Andeel vun bit to 70 % hebben.

Tumbaga hett en sieteren Smöltpunkt un en gröttere Hard as Gold. Historisch weer de Legeeren vör allen in Ooltkolumbien un Middelamerika verbreedt. De Produkten ut disse Legeeren weern eenfach hitt maakt un dat Kopperoxid, dat dorbi tostannen keem, mit Süür vun Planten wegmaakt. Dorbi is op de Böverflach rein Gold torüchbleven. Op disse Oort sünd vele Saken vun de Indios maakt worrn, as to’n Bispeel dat Tumi un de Tunjos.

Op disse Oort un Wies hebbt de Minschen vun de Muisca (kiek bi Eldorado), de Tairona un de Sinu arbeidt. Dat geev twee Techniken vun’t Verarbeiten: Dat Drieven un Hammern un dat Geten na’t Wassutsmöltverfohren.