Tudorstil
In den Tudorstil oder in de Tudorgotik sünd in den Bokunst in England in de Johren twuschen ca. 1480 un 1600 allerhand Bowarken henstellt wurrn. Dat weern de Johren in den Övergang vun de Gotik na de Renaissance, wo up den engelschen Throon de Königen vun dat Huus Tudor seten. Vun jem hett de Stil denn ok den Naam vun her. De Tudorstil folg up den Perpendicular Style, de in de Tiet vördem bruukt wurrn is.
De Tudorstil bruukt bi siene Backsteenboten allerhand Smuckelementen un föögt Formen ut de Gotik un ut de Renaissance tosamen. Bekannt sünd besunners dat Tudorblatt un de Tudorbogen.
Verscheden Formen vun den Tudorstil sünd denn an dat Enne vun dat 19. Johrhunnert wedder upkamen in den Stil vun den Historismus.
Wichtige Bowarken in den Tudorstil sünd:
- De Kapell för Heinrich VII. (England) an de Kathedraal vun Westminster Abbey (um 1510 rum)
- De Kapell för dat King’s College (Cambridge)
- Slott Hampton Court Palace in'n Oosten vun London, ünner Heinrich VIII. üm 1530 rüm boot, höört hüdigendags as Privatbesitt to de Familie vun de engelschen Königen.