Tsutomu Seki

Vun Wikipedia
Zur Navigation springen Zur Suche springen

Tsutomu Seki (japapansch 関 勉, Seki Tsutomu; * 3. November 1930 in Kōchi, Präfektur Kōchi, Japan) is en japaansch Amateurastronom. He is Baas vun dat Geisei-Observatorium in Geisei, un Liddmaat vun de Kometensektschoon vun de Oriental Astronomical Association.

Seki is eegentlich utbildt Konzertgitarrist, hett sück aber in de Loop vun de Tiet immer mehr de Astronomie towendt, insbesünnere de Söök nah Kometen.

He hett bitlang 34 Kometen opdeckt, dorünner 1965 den bannig hellen Ikeya-Seki, de sogor över Dag mit bloot Oog sichtbor weer, as ok de nah hüm nömmt Kometen C/1961 T1 (Seki) un C/1967 C1 (Seki).

Doröver herut hett he 224 Asteroiden opdeckt[1], vun de he völ nah öörd un Sehenswürdigkeiten vun de Präfektur Kōchi nömmt hett, as (2396) Kochi, (2571) Geisei oder (2582) Harimaya-Bashi.

De Asteroid (3426) Seki wurr nah hüm nömmt.

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Minor Planet Discoverers