Timmerhorst

Vun Wikipedia
Joachim Hinz un Peter Harry Carstensen

Timmerhorst is en plattdüütsch Musikgrupp ut Sleswig-Holsteen. Een Fruu un veer Mannslüüd.

Angelika Salewski speelt de Treckfiedel, ehr Mann Andreas Salewski, speelt Slagtüüch, sien Broder Christoph Salewski bedeent den Elektrobass, ehren Vedder Joachim Hinz speelt Banjo un de Gitarr un ehren Fründ Joachim Beyer speelt ok de Gitarr. Dorto warrt op Plattdüütsch sungen.

Se sünd siet 1980 tosamen un kummt ut Haffkrug bi de Lübecker Bucht an de Oostsee.

Se hebbt internatschonal all in Chicago, New York, in Milwaukee bi’t German Fest, in Hongkong, Kapstadt, London, Cork in Irland, un Wien speelt und sungen. Se hebbt in Düütschland in Stuttgart, München, Berlin, Kiel, Rostock un annerswo Erfolge fiert.

In’t Johr 2001 is Timmerhorst för ehr Verdeenst üm de plattdüütsche Spraak mit den Kulturpries vun’n Kreis Ostholstein uttekent worr'n.

In över 50 Rundfunk- un Fernsehsendungen weren se dorbi. Negen CDs un Liveoptreed, de nich mehr to tellen sünd, hebbt de Timmerhorst wiet över de Landesgrenzen bekannt makt. So enstunn ok de Titel „Plattdüütsch all over the world“. Anner bekannte Leder sünd „Gooden Dag, ook“, „Hüüt Abend schall he wedder bi“ un „De ole Damplok“.

Diskografie[ännern | Bornkood ännern]

  • 1985 Timmerhorst 1
  • 1987 Timmerhorst 2
  • 1991 Wochenend
  • 1992 Mast- und Schotbruchsamba
  • 1993 Hau Rin
  • 1996 100 %
  • 2000 Timmerhorst 20 Jahre
  • 2006 Schmetterling mien gode Fründ
  • 2015 FIEFUNDÖRTIG – Dat Best ut 35 Johr’n

Weblenken[ännern | Bornkood ännern]