Tietje (Vörnaam)
Tietje is een plattdüütschen Vörnaam for Jungs.
Herkamen
[ännern | Bornkood ännern]De Naam Tietje is een korte Form vun den olen germaanschen Naam Diederik. Dor steekt de beiden Wöör Diot oder Diet (dat heet Volk) un rihhan (dat heet riek oder mächtig) in. Diedrich heet denn so veel, as: De in dat Volk mächtig is oder Der Herrscher öber dat Volk.
De plattdüütsche Naam
[ännern | Bornkood ännern]Toeerst is vun den olen düütschen Naam een korte Form maakt wurrn. Dat weer sowat as Dide oder Tide. Dor is denn een Smusenaam for lüttje Gören vun maakt wurrn, so wat, as Lüttje Tide oder Lüttje Dide. Dat güng so, datt dor dat Anbacksel (Suffix) to'n Lüttjer maken (Diminutiv) -je achteranbackt wurrn is. Nu heet de Naam Didje oder Tidje. In een Tiet, as dat noch keen Duden geev un ok noch keen Sass is dat denn Tietje schreben wurrn, just so, as een dat utspreken deit (phoneetsch). Verwandt is de Vörnaam Tetje.
Fundöörd
[ännern | Bornkood ännern]In ole Listen un Urkunnen is düsse Naam toeerst to finnen
Plattdüütsche Tonaams
[ännern | Bornkood ännern]Vun düssen Vörnaam Tietje kaamt de plattdüütschen Tonaams Tietje un Tietjen her, de in de Ortsdelen vun Bremen un in de Dörper dor umto ganz begäng sünd. De bedüüt so veel, as Ut Tietje siene Familie oder Vun Tietje sienen Hoff.
Kiek ok nah bi
[ännern | Bornkood ännern]Weblenken
[ännern | Bornkood ännern]- Wofaken un woneem de Vörnaam in Düütschland vörkummt: Tietje