Thomas Killigrew
Thomas Killigrew (* 7. Februar 1612 in London; † 19. März 1683) weer en engelsch Dramatiker un Theatermanager.
Biografie
[ännern | Bornkood ännern]De jüngere Bröer vun den Dramatiker Sir William Killigrew weer tonächst Page in' Hoffstaat vun König Charles I. un weer later Begleiter vun König Charles II. in de sien Exil in Spanien, Italien un de Nedderlannen as ok de sien Kammerherr. Wiels dat Exil in den Nedderlannen leev he tüschen 1655 un 1660 in Den Haag un Maastricht un hett en Fru ut de Nedderlannen heiraadt, wodör he ok de nedderlannsch Staatsangehörigkeit kreeg. Disse Tiet vun dat Exil wurrd vun Biografen as „verloren Johren“ vun Killigrew betekent.[1]
Killigrew weer en groot Ünnerstütter bi de Wedderbeleeven vun dat engelsch Theater nah de Stuart-Restauratschoon un dat Wedderapenmaaken vun de Theater in dat Johr 1660. He hörr ok to de Eersten, de luut de Daagböker vun Samuel Pepys Schauspelerinnen in' Januar 1661 in Theaterstücken inführen dee un kreeg en königlich Patent to dat Apenmaken vun Theater in de Vere Street, en ehmalg Tenniscourt.
1663 hett he dat Theatre Royal in de Bridges Street apenmakt, an de Nell Gwyn Orangen an da Publikum verkoopen dee, ehe se 1665 sülvst Schauspelerin un later en Mätresse vun König Charles II. wurr. Nahdem dit Theater 1672 afbrennt weer, leet he en tweet Theater an de Stäe errichten, dat 1674 as Theatre Royal Drury Lane apenmaakt wurr un an de de so nömmt King's Players spelen deen.
1664 hett he en Sammlung vun negen Bühnenwarken herut, de nah sien Angaaven in negen ünnerscheedlich Städer entstahn sünd. Dat bekannteste dorvan weer „The Parson's Wedding“, dat vermootlich vun „La Dama Duende“ vun Pedro Calderón de la Barca ut dat Johr 1629 afleit un wohrschienlich 1640 verfaat wurr. In sien Daagbook hett Pepys dorto schreven, dat dat en „schamloos, locker Stück“ ween weer.
Killigrew hörr buterdem to de Gründer vun de eerst Schauspeelschool, de in de old Londoner Oortsdeel Barbican entstunn.
Nah sien Dood övernehm sien Söhn Charles Killigrew de Leitung de Theatergrupp vun de King's Players.
Literatur
[ännern | Bornkood ännern]- Una McGovern (Hrsg.): Chambers Biographical Dictionary. 7. Uplaag Chambers House, Edingburgh 2002, ISBN 0-550-10051-2, S. 691.
- Alfred Harbage: Killigrew: Cavalier Dramatist. 1930, Neeuplaag 1964, ISBN 0-405-08597-4.
Enkeld Nahwiesen
[ännern | Bornkood ännern]- ↑ J. P. van der Motten: Thomas Killigrew's „Lost Years“, 1655–1660. In: Neophilologus, Bd. 82 (1998), Heft 2, S. 311–334.