Thomas Crean

Vun Wikipedia
Zur Navigation springen Zur Suche springen
Tom Crean mit sien Sleddenhund-Welpen Roger, Nell, Toby un Nelson (fotografeert vun Frank Hurley wiels de Endurance-Expeditschoon) (1914)

Thomas (Tom) Crean, irisch Tomás Ó Croidheáin (* 20. Juli 1877 in Annascaul, County Kerry, Irland; † 27. Juli 1938 in Cork, County Cork, Irland) weer en irisch Polarforscher, de tüschen 1901 un 1916 an dree Expeditionen in de Antarktis deelnommen hett.

Leven[ännern | Bornkood ännern]

Van 1901 bit 1904 weer Crean Liddmaat vun de Discovery-Expeditschoon ünner Robert Falcon Scott un wurr vun hüm ok för de Terra-Nova-Expeditschoon (1910 bit 1913) to Eroberung vun de geographischen Süüdpol beropen. He hörr denn aber nich to de, de den Pol recken deen. 150 Mielen vör dat Teel hett Scott nochmals dree Lüüd torüch schickt (Crean, William Lashly un Edward „Teddy“ Evans), de den över 750 Mielen kraftroovend Marsch Marsch torüch överleeft hemm. Crean hett de letzt 35 Mielen alleen loopen, um för de beid annern Hülp to halen. Lashly bleev, wiels Crean alleen ünnerwegens weer, bi den swoor an Skorbut krank wurrn Evans. Crean hörr denn ok de Expeditschonsmannschap an, de Scott un sien Lüüd söökt un letztlich ok funnen hemm.

Crean gull as eenfack Mann; ahn groot Bildung, aber körperlich un mental bannig stark. Tosommen mit Frank Wild un Frank Worsley weer he en vun de Stütten up de Endurance-Expeditschoon (1914 bit 1916) ünner de Leitung vun Ernest Shackleton. He hörr to de sössköppig Mannschap (neben hüm noch Shackleton, Frank Worsley, John Vincent, Timothy McCarthy un Harry McNish), de to de Rettung vun de övrigen Expeditschoonsdeelnehmer de legendäre Överfohrt vun Elephant Island nah Süüdgeorgien in de James Caird wagen dee, un ünnernehm ansluutend mit Shackleton un Worsley den Gewaltmarsch vun King Haakon Bay nah Stromness.

Statue vun Tom Crean in Annascaul

He sull dormah ok noch an Shackleton sien Quest-Expeditschoon (1921 bit 1922) deelnehmen, hett dorup aber verzicht un hett sück in Irland daallaaten. Later hett he in sien Gebortsoort en Pub mit den Naaam „The South Pole Inn“ bedreeven, den dat noch hüüd gifft.[1] 1917 hett he Eileen (Nell) Herlihy heiraadt. Mit hör harr he dree Döchter. Katherine is 1924 in dat Öller vun veer Johren storven.[2] Crean sülvst is 1938 an en Blinddarmdörbröök storven.

2003 wurde in einem kleinen Park in Annascaul gegenüber dem „South Pole Inn“ eine Bronzestatue von Tom Crean enthüllt.

Nah Crean sünd de Mount Crean in de Antarktis as ok up Süüdgeorgien in‘n Süüdatlantik de Crean Lake un de Crean-Gletscher nöömt. De Dingle Brewing Company braut en Lagerbeer ünner de Naam Crean's, dat mit Betoog up den Polarforscher anpriest wurrd (Discover Crean's. A True Irish Hero).

Literatur[ännern | Bornkood ännern]

  • Michael Smith, An Unsung Hero, Tom Crean - Antarctic Survivor, The Collins Press, 2009
  • Michael Smith, Tom Crean - An Illustrated Life: Unsung Hero of the Scott & Shackleton Expeditions, The Collins Press, 2011

Weblinks[ännern | Bornkood ännern]

Commons-logo.svg Thomas Crean. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Der Eismann aus der zweiten Reihe in FAZ van’n 22. Januar 2015, Siet R4
  2. Michael Smith, Tom Crean - An Illustrated Life..., S. 159