Take Four
Take Four is en Singrupp vun veer Mannslüüd ut Kiel/Hamborg. Düt Singgrupp givt dat all bannig lang und se gehöört to de spoodrieksten in Düütschland. Se sing tomeest a cappella na den Vöörbild vun de amerikaanschen Barbershop, man ok hochdüütsche Leeders to'n Bispill vun de Comedian Harmonists und mencheehn hett se all up plattdütsch singn höörn.
Se sünd Lidmaaten vun de düütschen Barbershop-Vereen BinG![1].
Historie[ännern | Bornkood ännern]
Take Four is in't Johr 1986 grünnt worr'n.[2] Domols wärrn dat Ekkehard Götz (bass), Till Kindschus (Bariton), Thomas Schröder (Lead) un Jörn Wengler (Tenor), de sich tosamen don hebbt. To'n Anfung wär dat blots so'n Idee. Man se hebbt wohl markt, dat da ok mehr ut warrn kunnt. Se hebbt denn Kontakt funnen to annere Barberschoppers, toerst in Düörpm un Bremen, later ok in England un den USA.
Man de Historie vun Take Four is keen graden Strich. So hett Ekkehard all 1990 seggt, dat he nich mehr wieter muken mucht. Do hebbt se noch een Schallplatte upnehmen don, On Top Of The World. Man dat wärr denn doch nich dat Enn vun Take Four, denn dor küm Torge Bollert dorto un dat wärr denn doch ers de Anfung von de grote Tied vun Take Four.
Se hebbt veele Uptreden hebbt, nich blots in Düütschland, man ok in Holland, England un in de USA. Dor hebbt se in de World Harmony Jamboree[3] uptreden und later hebbt se Düütschland vertreten in den Wettbewerb vun de SPEBSQSA [4](later BHS). Dat is sowat as de Weltmeesterschapt vun de Barberschoppers. Und in düsse Tied hebbt se ok dreei Alben upnehmen (süh unnen), un mennicheehn Utteknung noh Hus brukt (süh unnen).
Ok düsse Tied kem to en Enn. Torge sökt 2003 dat Wiete un he givt Bucht för Patrick Scharnewski[5]. Patrick wor all ehn erfohrn Bass und so kunnt se glieks wieter muken, so as wenn nix woar. Patrick hett bannig veele un goode Ideen för ehr Uptreden. Nu is dat nienich ehn "Konzert", wenn Take Four op de Bühn steiht, nu is dat ehn "Event".
2009 is dann ok noh Till uttreten. Sit düsse Tied singt Georg Feige den Bariton[6]. 2016 hebbt se wedder in de USA för Düütschland singt[7]. Und nu singt se so good un geern tosomen un dat lett, as wenn se wohl noh in Ohlenhuus tosomen leev un sing warrn.
Utteknungen[ännern | Bornkood ännern]
- 1. Platz bi'n Landeschorwettstriet Schleswig-Holstein 1993
- Sieger bi'n Wettstriet vun BinG! 1994[8][9]
- Sieger bi'n Wettstriet vun BinG! 1995
- Sieger bi'n Wettstriet vun BinG! 1996
- Sieger bi'n Wettstriet vun BinG! 2000
- Publikumspries bi'n Wettstriet vun BinG! 2006
Diskographie[ännern | Bornkood ännern]
- On Top Of The World (1990)
- Take Four ... die CD (1993)
- Afterglow! (1995)
- 15th anniversary concert (2001)
Enkeld Nahwiesen[ännern | Bornkood ännern]
- ↑ https://www.barbershop.de/de/Mitglieder
- ↑ https://takefour.de/
- ↑ https://www.instagram.com/takefouracappella/
- ↑ https://www.barbershop.de/de/page/geschichte
- ↑ http://www.misterjones-music.de
- ↑ Kieler Nachrichten vom 20. 2. 2009, S. 17
- ↑ https://takefour.de/fotos/
- ↑ https://en.wikipedia.org/wiki/Barbershop_in_Germany
- ↑ Dat muk wohl ween, dat se ok 2015 Sieger bi Bing weern. Dat qualifizeert se för den BHS-Wettstriet und da hebt se ja nu 2016 mitmukt. Man för den Sieg bi BinG! givt dat in Internet keen Nohwies.