Tacitus
| Publius Cornelius Tacitus | ||
 | ||
| Personen-Informatschoonen | ||
|---|---|---|
| Pseudonym | Gaius Cornelius Tacitus | |
| Öller | rund 64 | |
| Boortsdag | üm 58 | |
| Boortsstell | Gallia Narborensis? | |
| Doodsdag | üm 120 | |
| Doodsstell | unkünnig | |
| Natschoonalität | Röömsch | |
| Arbeid | Kunsel, Historiker, Schriever, Reedner | |
Publius Cornelius Tacitus (* üm 58.; † üm 120 ) was een röömschen Historiker, Schriever, Rhetoriker un Kunsel. Faken geld he för de gröttste Historiker vun dat Röömsche Riek. Tacitus hadde de republikaansche Regerungsform lever as de willkörige Heerschop vun männigen Kaisers. He schrivt över Kaisers un Machthebbers evenso as över Personen uut’n Volk un givt daarümme ene gode Sicht up’t Leven to de Tied.
Wark[ännern | Bornkood ännern]
De vita et moribus Iulii Agricolae (Agricola)[ännern | Bornkood ännern]
De vita et Moribus Iulii Agricolae het üm un bi 30 Sieden un beschrivt sienen Swiegervader Gnaius Julius Agricola un worde 98 uutgeven, wiel dat Trajan Kaiser was.
Doch is dat nich echt ene Levensgeschicht, vunwegen dat Tacitus de Geschichten uut Agricolus sien Leven bruukt het to wiesen, wat Domitian falsch maakt harr un Trajan as enen goden Heerscher to priesen. Dat is nich eenfach to lesen, vunwegen dat de Berichten över Feldtöög, Reden un de uutbreed Berichte över dat Volk in Brittania so lang sind.
Dat Book het Sporen vun de Vöördragskunst, wat een Kennteken is van de Stil Laudatio, wo ook düt Book tohöört.
De origine et situ Germanorum (Germania)[ännern | Bornkood ännern]
De origine et situ Germanorum oder Germania kummt ok ut dat Johr 98. Eerst warrt dorin dat germaansche Land un dat Volk besnackt, denn de Brüük un deen noch en Reeg vun germaansche Stämme.Vandaag is dat Book en för Forschers, de sik dor mit befaten doot.
Tacitus hett de Germanen mit den Römers vergleken. He wull Germanen bekannt maken, denn dat weer wichtig to weten, wiel in disse Tied de Germanen een vun den gröttsten Gefohr för dat Röömsche Riek ween sünd.
Dialogus de oratoribus[ännern | Bornkood ännern]
102 schreev he den Dialogus de oratoribus för Lucius Fabius Lustus, een Senater to de Tied. Düt Book vertellt vun den Verfall von de Vöördragskunst. Meest ward dür Wark as sien Beginn as Historiker seen un sien Enne as Meester in de Vöördragskunst.
Historiae[ännern | Bornkood ännern]
Historiae is dat eerste van Tacitus sien grote Historienwarken.
Schrievstil[ännern | Bornkood ännern]
Tacitus siene Warken tellt to de sülvern Latinität. Ene Aard Latiensch, de nockvele klassische Kennteken uut de gollen Latinität wiest, man al hier un daar afwiekt wat den Stil anlangt un van af 50 n. Chr. in Bruuk was.
Weblenken[ännern | Bornkood ännern]
- Tacitus siene Annalen (nedderlandsch)