Swedentied

Vun Wikipedia
Koort von dat Königriek Sweden mit’n Besitt in dat HRR

As Swedentied warrt de Tied betekent, in de dat Königriek Sweden in Personalunion över Delen von Noorddüütschland herrscht hett.

Historie[ännern | Bornkood ännern]

In’n Dörtigjohrigen Krieg hett Sweden to de Winners höört un hett mit’n Westfäälschen Freden 1648 Sweedsch-Pommern, de Stadt Wismer, Poel un dat Amt Nieklooster un de Hertogdömer Bremen un Veern as Riekslehn von dat Hillig Röömsche Riek von Düütsche Natschoon tospraken kregen.

De Hertogdömer Bremen un Veern sünd 1712 von Däänmark innahmen worrn un 1715 hett Sweden de Hertogdömer ok offiziell aftreden (an dat Kurförstendom Bruunswiek-Lümborg).

Wismer, Poel un Nieklooster sünd mit’n Malmöer Pandverdrag von 1803 an dat Hertogdom Mekelborg-Swerin gahn. De Verdrag is 99 Johr lopen. Eerst na Afloop von disse Tied hett Sweden denn ok offiziell disse Rebeden an Mekelborg aftreden.

Von Sweedsch-Pommern müss Sweden na’n Sweedsch-Brannenborgschen Krieg 1679 mit’n Freden von Saint-Germain un na’n Groten Noordschen Krieg 1720 mit’n Freden von Stockholm grote Delen an Brannenborg/Prüßen afgeven. De Rest von Sweedsch-Pommern is denn na de Napoleonschen Kriege 1815 an Prüßen fullen.

As Gericht weer dat Tribunal in Wismer för de sweedschen Rebeden binnen dat HRR tostännig.