Svenja Stadler

Vun Wikipedia
Zur Navigation springen Zur Suche springen
Svenja Stadler (2014)

Svenja Stadler (* 26. August 1976 in Ollnborg) is en düütsche Politikerin von de SPD. Siet 22. Oktober 2013 is se Afornte in’n Düütschen Bundsdag.

Leven[ännern | Bornkood ännern]

Stadler is 1976 in Ollnborg boren. Se hett 1997 an de Liebfrauenschool in Ollnborg ehr Abitur maakt. Na de School hett se von 1997 bet 2000 in Ollnborg en Lehr as Warfkoopfro mit Swoorpunkt PR maakt un weer von 2000 af an PR-Beraderin un Teambaas in Hamborg. Dorbi hett se vör allen Ünnernehmens ut de Rebeden Informatschoonstechnologie un Telekommunikatschoon in de Press- un Öffentlichkeitsarbeid beraden un weer för Personal un Budget verantwoordlich.

Stadler is 1994 in de SPD rin. Se weer dor in’n Vörstand von’n Oortsvereen, den geschäftsführenden Vörstand von de Jusos un in’n Vörstand in’n Ünnerbezirk Ollnborg aktiv. Se is siet 2010 Maat von’n geschäftsführenden Oortsvereenvörstand von Seevdaal un beratend Maat in’n Jugend-, Senioren- un Sozialutschuss von de Gemeen Seevdaal. Siet 2013 is se Viez-Vörsitterin in’n Vörstand von’n Ünnerbezirk Horborg un siet 2015 Maat in’n Vörstand von’n Bezirk Hannover. Bi de Bundsdagswahl 2013 weer se för de SPD Kannedaat in’n Wahlkreis Horborg, kunn sik dor aver mit 31,6 % von de Eerststimmen nich gegen Michael Grosse-Brömer von de CDU dörsetten. Se is denn aver över Platz 4 op de SPD-Landslist Neddersassen in’n Bundsdag intagen.

Bi de Bundsdagswahl 2017 weer se noch maal Kannedaat in’n Wahlkreis Horborg un kunn sik mit 27,4 % von de Eerststimmen wedder nich gegen Michael Grosse-Brömer dörsetten. Se is denn över Platz 8 op de SPD-Landslist Neddersassen in’n Bundsdag intagen.

In’n Bundsdag is se ordentlich Maat von’n Utschuss för Familie, Senioren, Froonslüüd un Junge Lüüd un Viez-Maat von’n Utschuss för Arbeid un Soziale Saken un den Utschuss Digitale Agenda.

Bi de Kommunalwahlen in Neddersassen 2016 is se in’n Kreisdag von’n Landkreis Horborg un binnen de Gemeen Seevdaal in’n Oortsraad Fleest, Glüsen, Bääkdörp, Metzendörp wählt worrn.

Stadler is verheiraadt un hett twee Kinner.

Weblenken[ännern | Bornkood ännern]

Commons-logo.svg Svenja Stadler. Mehr Biller, Videos oder Audiodateien to’t Thema gifft dat bi Wikimedia Commons.