Susanna Rahkamo

Vun Wikipedia
Zur Navigation springen Zur Suche springen

Tuija Susanna Rahkamo (* 25. Februar 1965 in Helsinki) is en ehmalge finnisch Ieskunstlöperin, de in‘n Iesdanz antreeden is.

Biografie[ännern | Bornkood ännern]

Rahkamo is de Dochter van den ehmalgen Böverbörgermeester van Helsinki Kari Rahkamo.

Se hett siet 1986 mit hör Partner Petri Kokko an internatschonalen Wettbewarfen deelnommen. De mehrmaligen finnischen Meester wunnen hör eerst Medaille bi de Europameesterschap 1993, wo se den darten Platz beleggen deen. Een Johr later wunnen se mit Bronze ok hör eerst Weltmeesterschapsmedaille. Dat weern ok de eerst Medaillen för Finnland in’n Iesdanz.

1995 wunnen Kokko und Rahkamo in Düörpm as eerste Finnen överhoopt de Europameesterschap. Bi de Weltmeesterschap in Birmingham keemen se up den tweeten Platz achter de Russen Oksana Grischtschuk/Jewgeni Platow aber vör de franzöösch Iesdanzers Sophie Moniotte/Pascal Lavanchy.

Kokko un Rahkamo hemm an twee Olympisch Spelen deelnommen. 1992 in Albertville keemen se up Platz 6 un twee Johr later in Lillehammer up den 4. Platz.

1995 hett de 1,60 m groot Sportlerin hör Amateurkarriere afslooten un is Profi wurrn. Kokko un Rahkamo hemm heiraadt un dat Paar hett twee Kinner.

2004 wurr Rahkamo to de Präsidentin vun den finnischen Ieskunstloopverband wählt.

Weblinks[ännern | Bornkood ännern]