Subprime

Vun Wikipedia
En Middelsmann för Hypotheken maakt Werbung för Kreditnehmers, mit de ehre Bonität dat nich to'n Besten steiht.

En Subprime-Markt is de Deel vun den privaten Hypothekenmarkt, de sik tohopensetten deit ut Kreditnehmers mit bloß ringe Bonität. Vun 1993 af an is düsse Naam, toeerst in de USA, denn in annere Länner mit engelsche Spraak upkamen. Toeerst hett dat dat, wat dor mit meent is, ok bloß in düsse Länner geven. Dat geiht also üm Bofinanzeern, wo vun Sieten vun de Kreditnehmers nich veel achtersteken deit.

Bonität[ännern | Bornkood ännern]

Wenn de Bonität meten weern schall, denn weert de Lüde, de en Kredit hebben wüllt, ankeken, man ok de Immobilien, de se kopen wüllt. Den Utslag gifft de debt-to-income-ratio. Dat is de Relatschoon twuschen dat Brutto-Inkamen un den Afdrag in Tosamenhang mit de Schullen. Düsse Afdrag (Tins, Tilgung un annere Kosten) scholl nich mehr as 45 % vun dat Brutto-Inkamen utmaken. Denn kümmt dor noch de loan-to-value-ratio to. De gifft dor Utkunft över, wo veel Egenkapital bibröcht warrt. 10 % vun de ganze Summ scholl dat tonminnsten ween. Al Faktoren tohopen weert amenne to en so nömmt „Rating“ oder „credit score“ tosamenfaat. Dat gifft dor en Liest vun 350 bit 850 Punkten. Tominnst 620 Punkten schöllt tosamenkamen. Sünd dat minner veel, denn so warrt vun en „subprime loan“ snackt.

Subprimes as Weertpaperen[ännern | Bornkood ännern]

Mit de Johren sünd in de USA baven al Maten veel subprime-Krediten afslaten wurrn. Vun 2006 af an hefft dorüm US-amerikaansche Bankhüser düsse Kreditschullen – to’n Deel tohopenpackt mit gode „prime-loans“ – tohopenfaat to en Aart vun Weertpapeer. Düsse Weertpaperen laat sik eenfach verkopen un wietergeven un heet mit Naam collateralized debt obligations (kortweg: CDO's). Wenn dor noch en rating vun en Ratingagentur tokeem, de wat hermaken deit, denn hefft sik düsse Paperen goot an Bankhüser ut Europa oder Asien verkopen laten. Up düsse Aart is en Risiko, wat an un for sik reinweg amerikaansch weer, to en internatschonal Risiko wurrn.

Bi dat Tohopenstörten vun den Subprime-Markt is allens tosamen kamen: De Tinsen sünd rupkladdert un de Kreditnehmers konnen jem ehre Krediten nich mehr bedenen. To’n Deel sünd ok de Inkamen minner wurrn. De Bonität, de in dat Rating meten wurrn weer, sack nu af. De Kreditnehmers konnen mit’n Betahlen nich mehr nakamen un de Hüser güngen in’e Dwangsaukschoon. Bi düsse Aukschonen hefft de Bankhüser tomeist grote Verlusten maakt, vunwegen dat ok de Priesen för Immobilien nu duchtig afsacken döen.


Kiek ok bi[ännern | Bornkood ännern]