Strukkamp
Strukkamp is een Dörp op de Insel Fehmarn un een Stadtdeel vun de Stadt Fehmarn in den Kreis Oostholsteen in Sleswig-Holsteen.
- Grött: ca. 307 ha.
- Inwahners: ca. 140 (2002)
- Auto-Kennteken: OH (Oost-Holsteen)
- Telefonvörwahl: 04371
- Laag: Op de Südsied vun de Insel Fehmarn in de Oostsee, Naberdörper sünd Gold, Avendörp un Alwersdörp.
De Strukkamper Dörpstraat geit vun Süd na Nord. Op beide Sieden stahn Hüüs und Schüün. Achter de Dörp weer de sogenannte "Platen", Wieschen, de lang ünner Water stein doot.
Geschicht[ännern | Bornkood ännern]
In dat Waldemar-Erdbook vun 1230 ward dat Dörp mit 8,5 mansi Land anföhrt.
De Strukkamper Dörpslüüd hebbt fröher de Plicht hatt, Lüüd, de vun’n fasten Wall ut Holsteen na Fehmarn öwersett hatt, op Anforderung mitsamt ehr Gepäck in de anner Dörp to transporteeren. Dorför hett dat een fast Prieslist geven. Mit de Tied hett sick deshalb direkt an den Sund een lütte Sund-Siedlung entwickelt. Bi de Stormfloot 1872 is de Huus vun de Lots Kruse vun dat Water wegdrieven woren - mit de Lots und sin Fruu un sin Kinner op`n Dack drop. De Lots un sin Fruu un een Kind sünd afsupen, een 13-jähre Jung hett dat Mallör öwerlevt. Em hebbt se later in de Kieler Bucht opfischt.
School[ännern | Bornkood ännern]
In dat Johr 1741 hett Strukkamp een egen School kregen. Üm dat Johr 1804 is de School mit de School vun Albertsdörp tosamenleggt woren. Een List vun de Schoolmeisters in de Tied vun 1741 bit 1814 tellt 9 Schoolmeister op, vun weke 5 op Fehmarn boren sünt:
Hüüt gaht de Kinner ut Strukkamp in Burg to School.
Een ole Spottgedicht öwer Strukkamper hört sick so an:
- „Du oll Strukkamper Grootschnut
- puuß du mi mal dat Lich ut
- denn tast dee Höhner in din Stall
- gah denn too Bett - bist mi to mall
- uller legg di dahl in Höhnerstall“
Een anner geit so:
- „Too Strukkampe ... too Strukkampe ...
- dohr sünt se woll geseten
- mit hogen Spint doht se dor eeten
- Dohr sünt veel Müüs un gele Katten
- In Stinken-Graben wöhlt dee Rotten“