Oostseefloot 1872

Vun Wikipedia
Zur Navigation springen Zur Suche springen
Neddersassenhuus in Niendörp mit Schadens von de Floot

De Oostseefloot vun 1872 weer en swore Stormfloot, bi de in’e Nacht vun’n 12. op den 13. November 1872 an de Oostsee twischen Däänmark un Pommern 271 Lüüd doodbleven sünd.

De Daag vörher geev dat en Storm ut Süüdwest, de dat Water na Noordoost wegdreven hett. In’t Baltikum geev dat Hoochwater un an de düütsche Küst weer Ebb. Toglieks strööm ut de Noordsee Water na. Doch denn dreih de Wind un weih as Orkan vun Noordoost. Dat Water dat sik in’n Westen vun de Oostsee staut harr, keem nu all trüch. Mit dat Water, dat ut de Noordsee kamen weer, geev dat en groten Flootbarg. Bet op 3,30 m över NN steeg dat Water, wat de gröttste Hööchd weer, de de Minsch op de Oostsee je meten hett. Vör allen Eckernföör hett dat swoor drapen, vun wegen de Laag an de Föör, de na Noordoost utlöppt. De hele Stadt weer ünner Water, 78 Hüüs sünd tweigahn, 138 Hüüs hebbt Schaden nahmen un 112 Familien hebbt ehr Dack verloren. Vun Fehmarn hett bit to een Drüddel vun de ganze Insel ünner Water stahn. Besünners in Noorden un Westen hett de Stomflood ganze Arbeid leist. 53 Wahnhüüs sünd tweigahn un 366 Hüüs hebbt Schaden nahmen. Alltohoop sünd an de Oostsee 271 Lüüd doodbleven, 15.160 Lüüd hebbt ehr Dack verloren, 2.850 Hüüs sünd tweigahn oder hebbt sworen Schaden nahmen.

Ok Prerow op’n Darß stünn ünner Water, dorbi hett dat Water den Prerowstroom mit Sand dichtsett, de dat Eiland Zingst vun’n Darß trennen dee. 1874 hebbt se den Prerowstroom denn ganz toschütt un mit en Diek sekert. Sietdem is Zingst ene Halvinsel.

Weblenken[ännern | Bornkood ännern]

Commons-logo.svg Oostseefloot 1872. Mehr Biller, Videos oder Audiodateien to’t Thema gifft dat bi Wikimedia Commons.

Literatur[ännern | Bornkood ännern]

  • Heinz Kiecksee, P. Thran, H. Kruhl: Die Ostseesturmflut 1872. Westholst. VA, Heide, Dezember 1984 (Schriften des Deutschen Schiffahrtsmuseums, Band 2), ISBN 3804201164
  • Marcus Petersen und Hans Rohde: Sturmflut. Die großen Fluten an den Küsten Schleswig-Holsteins und in der Elbe. Niemünster 1977