Stroh

Vun Wikipedia
Stroh in Rundballen

Stroh is een Sammelbegreep för de utdröschten Halms vun Koorn un Paalfrüchten. De Begreep Stroh ward in’e Hauptsook bi de Buurn un dat Bohandwark bruukt. Dat Stroh vun de mihrstbruukten Koorn, wie Roggen, Gassen, Weten un Havern, sowie vun Arfen hefft de Buurn to’n Instreien bi jüm eer Peer, Köh un Schaap hernomen. Vör Johren noch wören in Noorddüütschland de Huusdäcker veel mit Stroh deckt, dat hefft se aber wegens de Füürgefohr naloten. De Huuswännen un de Twischendeken wöörn veel mit Stroh un Lehm utfacht. Een Deel vun dat Stroh ward ok in’n Goornbo bruukt, de Eerdbeerplanten to’n Bispeel ward geern mit Stroh ümleggt. Een wiedere Nütten vun Stroh weern to’n Bispeel noch de Sünnenhööt, de geern ut Stroh flöcht wören.

Weblenken[ännern | Bornkood ännern]

Stroh. Mehr Biller, Videos oder Audiodateien to’t Thema gifft dat bi Wikimedia Commons.