Street Art

Vun Wikipedia
Graffiti, Schabloon un Paste-Up (vun baven dol)

Street Art is en Twieg vun de Graffiti-Maleree. As Street Art gellt all Maleree, de illegal anbröcht wurrn is un de nich to dat klassische Graffiti-Bild tohöört. De meiste Street Art kümmt vör in de Formen vun Stickers, Schablonen un Paste-Ups, man ok Biller, de ohn Verlööf upmaalt wurrn sünd, weert dor to tellt.

De Ünnerscheed twuschen Street Art un Graffiti is, dat dat bi Graffiti üm den Naam geiht (un dormit üm den Maker) un bi Street Art besunners üm dat Bild. Bi Graffiti kümmt dat dor up an, wie vigeliensch de Kunst is, bi Street Art geiht dat dor üm, wie originell de Kunst is. Veel Street-Art-Künstlers wüllt mit jem ehr Kunst wat mit seggen un wat mit düütlich maken. Se staht achter en bestimmte Saak un sett sik mit jem ehr Kunst dor för in. Annere arbeit ok anonym un bringt jem ehr Biller sünner Naam mank de Lüde un wüllt dor ok nix besunners mit kloor maken.

Street Art is in de 1970er Johren upkamen. Dormols is dat bruukt wurrn vun Lüde, de dor jem ehr politischen Standpunkten mit düütlich maken wollen. Later is düsse Kunst verswunnen un eerst in de laten 1990er Johren wedder updükert. Nu weer dat en reine Kunstform, wo de Straat de Ruum to'n Utstellen weer.

Galerie[ännern | Bornkood ännern]

Literatuur[ännern | Bornkood ännern]

Borns[ännern | Bornkood ännern]

  1. http://www.artjammer.com