Stoffmengde

Vun Wikipedia
Wesseln na: Navigatschoon, Söök

As Stoffmengde warrt de quantitative Mengde vun en cheemsch Stoff sünners in de Stöchiometrie betekent, also woveel vun en sünneren Stoff dor is. Disse Stoffmengde is keen sünnere Masse un ok keen sünnere Deelkentall, man as een Basisgrött vun’t SI-Eenheitensystem un willkürlich fastleggt worrn. Se kann also ok nich dör annere SI-Eenheiten dorstellt warrn. De Eenheit vun de Stoffmengde is dat Mol, wat dorna also en SI-Basiseenheit is.

Wenn een dat Mol bruken deit, mutt de Tall vun de Deelken (sünners Atomen un Molekülen), de as Grundlaag sett warrt, nipp un nau fastleggt warrn: Een Mol vun en Stoff bargt ruchweg 6,02214179(30)·1023 [1] vun disse Deelken. Dissse Tall warrt as Avogadro-Tall (oder Avogadro-Kunstant oder Loschmidt-Tall) NA betekent. Disse Deelken künnt ok fiktive, also dachte Brookstücken vun tatsächliche Deelken wesen as to’n Bispeel en Veerdel Molekül oder Ion, de Äquivalentdeelken oder kort eenfach Äquivalente nöömt warrt. Man kann dorüm dat bekanntere Mol ok dör de olle Eenheit Val uttuuschen, ahn dat sik de Tallweerten dorbi ännert. ’n masse Enkelheiten dorto staht in de düütschen Norm DIN 32 625.

För de Stoffmengde nX un de Masse mX un de Stoffportschoon vun en Reinstoff X un ehr molaren Masse MX gellt de nafolgen Tosamenhang:

n_{\mathrm{X}} = { m_{\mathrm{X}}\over M_{\mathrm{X}}}

Bereken vun de Stoffmengde[ännern | Bornkood ännern]

Wenn de Masse vun de Portschoon bekannt is oder meten warrn kann, denn kann de Stoffmengde ut de baven angeven Glieken utrekent warrn. En Bispeel: De molare Masse vun Water is 18 g/mol, d.h. 9 Gramm Water is dat glieke as de Stoffmengde 0,5 mol.

n_{\mathrm{H_2O}} = \frac{m_{\mathrm{H_2O}}}{M_{\mathrm{H_2O}}} = \mathrm{ 9 \;g \over {18\;{g \over mol}}} = 0{,}5~\mathrm{mol}

Bi Gasen lett sik de Stoffmengde teemlich licht ut dat Volumen bestimmen, vun wegen dat en Mol vun en Gas ünner Normalbedingen ruchweg en Volumen vun 22,4 l hett (dat is en Negern, dat streng nahmen blots för idelae Gasen gellt). Dit Volumen warrt ok as molar Normvolumen (Molvolumen) Vm betekent. Wedder en Bispeel: Wo veel Mol sünd 5 l Suerstoff-Molekülen O2?

n_{\mathrm{O_2}} = {V_{\mathrm{O_2}} \over {V_\mathrm{m}}} = {{5 \, \mathrm{l}} \over {22{,}4 {\mathrm{l \over mol}}}} = 0{,}22 \, \mathrm{mol}

Vun wegen dat en Mol en Deelkentall vun 6,022 · 1023 entspreken deit (Avagadro-Tall), kann de Stoffmengde ok ut de Deelkentall berekent warrn. Dat Bispeel: Geven sünd N = 1025 Deelken. Dat sünd so veel mol:

n = \frac{N}{N_\mathrm{A}} = \frac{10^{25}}{6{,}022 \cdot 10^{23} \; \mathrm{mol}^{-1}} = 16{,}606 \; \mathrm{mol}

Ok ut de Molarität cX in mol/l kann de Stoffmengde utrekent warrn. Dat is en Maat för de Stoffkonzentratschoon bi cheemsch Lösen, dat de Stoffmengde vun en cheemschen Stoff X in Proportschoon sett to dat Volumen V vun de Lösen. Bispeel: Wo veel Mol Natriumchlorid verbargt sik in 0,22 l vun en 0,6 molaren Lösen?

n_{\mathrm{NaCl}} = c_{\mathrm{NaCl}} \cdot V = 0{,}6 \; \frac{\mathrm{mol}}{\mathrm{l}} \cdot 0{,}22 \; \mathrm{l} = 0{,}132 \; \mathrm{mol}

Borns[ännern | Bornkood ännern]

  1. CODATA (2006): Avogadro constant, NIST.

Kiek ok[ännern | Bornkood ännern]