Stickelbeer

Vun Wikipedia
Stickelbeern

Stickelbeer (f., pl. Stickelbeern, latiensch Ribes uva-crispa) is een Plant ut de Fomilie vun de Stickelbeerwussen (latiensch Grossulariaceae). Man find eer in mannigeen Oort in heel Europa, Noordafrika, in de Bargen vun den Kaukasus bet hin to’n Himalaya. De Stickelbeern wasst as sommergrööne Strüük in Höchten vun 50 bet to 100 cm, eenige wenige ward bet to 150 cm hoch. An de Drieven sitt ünnerscheidlik veele un ünnerscheidlik grote Stickeln.

De Stickelbeern blöht bi uns so af April un de Frücht sünd af Juli riep to’n Oornen.

Bi de miersten Oorten sünd de Beern rund bet ’n lütt beten länglich un wenn se noch nich riep sünd, sünd se ’n beten hoorig. In’n riepen Tostand sünd se mierstens glatt. Vun de Farv find’n eenigen Ünnerscheid vun gröönlik, gröön, öber geel, bet hin to röötlik un root.

Tücht ward de Stickelbeer all üm de 400 Johr vun de Minschen.

Weblenken[ännern | Bornkood ännern]

Stickelbeer. Mehr Biller, Videos oder Audiodateien to’t Thema gifft dat bi Wikimedia Commons.