Stephan VI.

Vun Wikipedia
Zur Navigation springen Zur Suche springen

Stephan VI. (VII.) († 897) weer Paapst van Mai 896 bit Juli oder August 897, tovör Bischop vun Anagni, to de hüm sien Vörgänger Formosus nömmt harr. He harr Stephan ok to'n Kardinal nömmt.

De Umstänn vun sien Paapstwahl sünd unklor, he wurr aber ünnerstütt vun en vun de mächtigen röömsch Familien, dat Huus Spoleto, dat to disse Tiet mit anner Familien um den Infloot up dat Paapstdom in Striet leeg.

Stephan is vör allen bekannt dör den Prozess gegen Formosus, de as Liekensynode bekannt wurr un ahn Twiefel up Druck vun de Spoleto tostann keen. Bi dissen Prozess in' Januar 897 wurr de verwesen Liek vun Formosus, de all siet mehr as 9 Maand begraven weer, exhumeert, vör Gericht stellt un wegen Meineid un Usurpatschoon veroordeelt. Doruphen wurr de Liek, vun de man ünner annern de Kopp afhaun harr, in de Tiber smeeten. Fröhere Anhänger vun den Formosus hebbt de Liek aber weer ut den Tiber fischt un hemm hüm stillkens begraven. Later wurr de Körper in sien Grab in St. Peter torüchbrocht.

De Prozess hett en Upstand utlööst, de – ofschons de Anstifter Lambert von Spoleto un sien Moder Ageltruda hör Herrschap över Rom to Anfang vun dat Johr 897 wedderherstellt harr – dormit to Enn' gung, dat Stephan VI. inkerkert un in den folgen Sömmer stranguleert wurr.

Literatur[ännern | Bornkood ännern]

  • Vito Loré: Stefano VI. In: Massimo Bray (Hrsg.): Enciclopedia dei Papi, Istituto della Enciclopedia Italiana, Band 2 (Niccolò I, santo, Sisto IV), Rom 2000, OCLC 313581688, S. 48–50 (italieensch).
  • Georg Schwaiger: Stephan VI. In: Lexikon des Mittelalters (LexMA). Band 8, LexMA-Verlag, München 1997, ISBN 3-89659-908-9, Sp. 118.

Weblenken[ännern | Bornkood ännern]

Commons-logo.svg Stephan VI.. Mehr Biller, Videos oder Audiodateien to’t Thema gifft dat bi Wikimedia Commons.
  • Stefan VI. In: Salvador Miranda: The Cardinals of the Holy Roman Church, online auf fiu.edu, Websteed vun de Florida International University, afropen an’ 10. Oktober 2013 (engelsch)
Vörgänger Amt Nafolger
Bonifatius VI. Paapst
896 - 897
Romanus