Staatsflagg vun Bayern
.svg)
.svg)
De beid Staatsflaggen vun Bayern sünd de bayerisch Rautenflagg un de bayerisch Striepenflagg, in de Landsfarven Witt un Blau.[1]
De Staatsflaggen[ännern | Bornkood ännern]
Ofschons Bayern twee Staatsflaggen hett, hett dat kien spezielle Deenstflagg. Den Behörden steiht dat luut Vörschrift free, welker vun de beid Flaggen bruukt wurrd.[2]
En fast Verhältnis vun de Breedt to de Längt is för beid Flaggen nich vörgeven. Wiel för de Bundsflagg vun Düütschland en Verhältnis vun 3:5 bestimmt is, wurrd dit Siedenverhältnis meestens ok bi de bayerisch Staatsflaggen nommen. De Blauton is nich fastleggt, empfahlen wurrd de Farvtoon Himmelblau (RAL 5015).[3]
Up völ Flaggen wurrd dat bayerisch Staatswappen in verscheedenen Formen afbildt. Allerdings is disse Dorstellen nich offiziell un verstött dormit gegen gellen Recht, wiel dat Schaffen un Gestalten vun Staatssymbolen ahn Utnah den Gesettgever vörbehollen is. De Gebruuk wurrd aber duld.
De Striepenflagg[ännern | Bornkood ännern]
De bayerisch Striepenflagg besteith ut twee gliek breet Striepen in de Landsfarven, wobi de bövere Striepen witt un de ünnere blau is.
Die Rautenflagg[ännern | Bornkood ännern]
De Rautenflagg is en Wappenbanner vun dat lütt Staatswappen vun Bayern. De Grundform enthollt mindst 21 Rauten in de Landsfarven witt un blau, wobi de vun de Ränder ansneeden Rauten mittellt wurr. Bi lang un schmal Flaggen kann de Antall vun de Rauten höhger ween. In jeden Fall is aber de rechte bövere Eck vun dat Flaggendook för en ansneeden witt Raute bestimmt.[1] Dat wurr dör de Verwaltensanordnung van' 16. Februar 1971 bestätigt.[4]
In de Flaggenkunn wurrn de Flaggen vun de Vördersiet beschreven un dorstellt. In Bayern wurr de Flagg nah heraldisch Regeln beschreven. Dat bedüüd, de Beschrieven erfolgt vun den Schilddräger ut, de sück achter dat Wappen un in dissen Fall achter de Flagg befinnen deiht. So is de vun de Verordnung för en ansneeden witt Raute vörbehollen rechte bövere Eck för den Ankieker links.
Historie[ännern | Bornkood ännern]
De witt-blau Rauten, ok Wecken nömmt, stammen oorsprünglich ut dat Wappen vun de Grafen von Bogen, se wurrn 1242 vun de Wittelsbacher övernommen, de Herrscherfamilie vun Bayern vun dat 12. bit to'n 20. Jahrhunnert. Af 1337 harrn de Wittelsbacher de Rautenflagg as hör Symbol in Gebruuk. Dornah geev dat verscheeden Versionen, bi de ok anner Elemente in de Flagge infüügt wurrn, so to'n Bispeel de Pälzer Lööw in de Flagge vun de Hartogen vun Bayern-Landshut un Bayern-München. En offiziell Flagg för dat Land Bayern geev dat nich, blots de Herrscher hebbt en Flagg führt.
Eerst later keem de Gedanke up, de witt-blau Flagg ok as Symbol vun dat Land Bayern to bruuken, doch weern all Landsflaggen tonächst inoffiziell un dorher nich gesettlich fastleggt.1838 wurr eerstmals bestimmt, dat dat Blau en hellen Toon hemm muss un an' 11. September 1878 bestimm König Ludwig II. eerstmals, dat de Flagg vun Bayern ut twee horizontal Striepen, Witt över Hellblau, bestahn sull.[5]
Tüschen den 4. April un 1. Mai 1919 bestunn de Münchner Räterepublik. Se führ en eenfack root Flagg, doch nah hör Daalslahn wurr weer de witt-bau Flagg inführt.[5]
De Landsverfaaten van' 2. Dezember 1946 hett de Landsfarven Witt un Blau bestätigt un an' 14. Dezember 1953 wurr de Striepenflagg un de Rautenflagg offiziell inführt.
Literatur[ännern | Bornkood ännern]
- Bundeszentrale für politische Bildung: Wappen und Flaggen der Bundesrepublik Deutschland und ihrer Länder. 3. Auflage. Magdeburger Druckerei GmbH, Bonn 1994, ISBN 3-89331-206-4.
Weblenken[ännern | Bornkood ännern]
Flaggen vun Bayern. Mehr Biller, Videos oder Audiodateien to’t Thema gifft dat bi Wikimedia Commons.
- Bayerisches Staatsministerium des Inneren: Die bayerischen Staatsflaggen
- Verfaaten vun Bayern
- Bayerisches Gesetz- und Verordnungsblatt
- Flags of the World - Bavaria (Germany) (engelsch)
Enkeld Nahwiesen[ännern | Bornkood ännern]
- ↑ a b Bekanntmachung der Bayerischen Staatsregierung über die bayerische Staatsflagge und die Dienstflaggen für Kraftfahrzeuge, vom 16. November 1953; Bayerisches Gesetz- und Verordnungsblatt 1953, S. 193.
- ↑ Vollzugsvorschriften der Bayerischen Staatsregierung über die bayerische Staatsflagge und die Dienstflaggen für Kraftfahrzeuge, vom 15. Januar 1954; Bayerisches Gesetz- und Verordnungsblatt 1954, S. 131–132
- ↑ Stefan Josef Bittl: Empfehlung für die Tingierung in der bayrischen Kommunalheraldik.(PDF, 1,2 MB), April 2007
- ↑ Verwaltungsanordnung der Bayerischen Staatsregierung über die bayerischen Staatsflaggen und Dienstflaggen an Kraftfahrzeugen, vom 16. Februar 1971, § 1, zuletzt geändert durch Verwaltungsanordnung vom 4. Juni 1991
- ↑ a b Flags of the World - Historical Flags (Bavaria, Germany)