Stüerboord

Vun Wikipedia
Zur Navigation springen Zur Suche springen
Praktisch jede Hobeninfohrt is in’n Düstern mit gröön un root Luchter markeert. Bi dat Inloopen vun See ut kommend stimmen de Farven mit de Positschoonslichter an Bord övereen. (Hier de Hoben vun Friedrichshoben)
Motorschipp mit Positschoonslichtern, (in Fohrtrichtung) rechts Stüerboord gröön, Backboord root, in de Midden dat Damperlucht för en ünner Motor fohrend Fohrtüüch ünner 50 m Längt

Stüerboord betekend, vun dat Heck to’n Bug (in Fohrrichtung) bekeken, de rechte Siet vun en Water, Luft- oder Ruumfohrtüüch. De anner Siet is de Backboordsiet.

De Utdruck stammt vun de fröhere Positschoon vun en Stüermann up Wikinger-Schippen. Bi de weer dat Ruder an’t Heck up de rechte Siet vun dat Schipp anbrocht.

De Faarv vun dat Stüerboord-Positschoonslucht vun Water- un Luftfohrtüüch is gröön.

Wenn en Schipp vun See ut in en Fohrwater infohrt, denn is de Stüerboordsiet vun dat Schipp ok up de Stüerboordsiet vun dat Fohrwater. Disse is je nah Lateralsystem mit gröön (IALA-A) oder root (IALA-B) Tünnen kenntekend, de as Toppteken en spitzen Kegel föhren. Stüerboordtünnen sünd mit ungerad Tallen nummereert.

De Stüerboordsiet gellt as de "vörnehmere" Siet vun en Schipp, wiels de Kapitän up disse Siet sien Kammer hett. De Kapitän wahnt up disse Siet, domit he de Schippen, de vun Stüerboord kommt, eher sehn deiht – de Schippen up disse Siet moot en Schipp uwieken, wenn beid Maschinenfohrtüüch in de Sinn vun de Kollisionsverhütungsregeln sünd. Ok de Gastlandsflagg in Utlandshoben wurrd dorüm an de Stüerbordsiet hisst.

Weblenken[ännern | Bornkood ännern]