Slott Zvolen

Vun Wikipedia
Zur Navigation springen Zur Suche springen
Slott Zvolen

Dat Slott Zvolen (slowaaksch Zvolenský zámok bzw. falsch fakenZvolenský hrad) is en middelöllerich Slott, dat up en Barg dicht bi de Binnestadt vun Zvolen (düütsch Altsohl), en Stadt in de Middelslowakei, liggt. De oorsprüngliche Komitatssitt weer de Borg Pustý hrad, de böverhalv vun de Tosommenfloot vun Hron un Slatina südlich vun de Stadt up en bewaldet Bergrügg leeg un in dat 12. Johrhunner baut wurr. Dör sien ungünstigen Togang wurr de Verwalten in dat nee baut Slott, dat Ludwig de Groote as Jagdslott bauen leet, verleggt. De gotische Architektur vun dat tüschen 1360 un 1362 baut Slott lehnt sück an dat Utsehn vun italieensch Slötter vun dat 14. Johrhunnert an, ok bi den Umbau 1548 in' Renaissance-Stil hemm sück de italieensch Steenmetze an hör Vörbiller ut de Heimat anlehnt. 1784 wurr dat Slott nochmals, dotmal vör allen de Kapelle in' Barock-Stil, umbaut. De Zinnenattika, de bi de Barockiseeren kört maakt wurr, hett man bi de Renoveerensarbeiten 1894–1906 wedder herstellt, nah den Eersten Weltkrieg wurr dat Slott as Forstmuseum bruukt. In' Tweeten Weltkrieg hett dat Slott düchtig leeden. Eerst en tietrooven un düer Wedderherstellen in de Tiet van 1956 bit 1969 leeten weer en Gebruuk as Museum to.

Hüüd befind sück in dat Slott de Slowaaksch Natschonalgalerie mit Billern vun to'n Bispeel Rubens, Paolo Veronese un William Hogarth as ok en bekannt Teestuuv.

Weblenken[ännern | Bornkood ännern]

Commons-logo.svg Slott Zvolen. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:48° 34′ N, 19° 8′ O