Slott Waldeck

Vun Wikipedia
Zur Navigation springen Zur Suche springen
Slott Waldeck, vun en Schipp up’n Edersee bekeken.

Bi Slott Waldeck (oder ok Borg Waldeck) hannelt sik dat um en Borg ut dat 12. Johrhunnert, de later to en Slott utboot wurrn is. Dat liggt in de Gemarken vun de Stadt Waldeck in den Landkreis Waldeck-Frankenberg in Hessen in Düütschland. Dor steiht dat in’n nöördlichen Deel vun’n Naturpark Kellerwald-Edersee, an’n westlichen Rand vun den Karn vun de Stadt Waldeck. Boot wurrn is dat up en steilen, felsigen Barg, an den siene Sieten Woold wassen deit. Vun den Oort ut kann een up en Straten na dat Slott henkamen.

Historie[ännern | Bornkood ännern]

Slott un Oort Waldeck in de Topographia Hassiae vun Matthäus Merian, 1655

De Borg up de Hööchde is to’n eersten Mol in dat Johr 1120 in en Urkunn nömmt wurrn. Nadem Greve Widekind I. vun Schwalenberg Lutrud vun Itter freet harr, un de ehr Söhn Volkwin II. later Liutgard as Fro nahmen harr, de en Dochter vun Greve Poppo vun Ziegenhain weer, keem de Borg to den Besitt vun de Schwalenbergers. Vun 1180 af an hett sik en Twieg vun düt Huus na düsse Borg nömmt. Laterhen is allerhand an de Borg rümboot un ummuddelt wurrn, un naderhen weer se ümboot to en regelrecht Slott. Bit 1655 weer se de Greven vun Waldeck ehre Residenz, man denn sünd de Greven umtrocken na Arolsen. Slott Waldeck is denn for ganz unnerscheedliche Saken bruukt wurrn. Toeerst weer dat Festung un Sitt vun den Slottkummandanten, later hett se as Kasern deent, vun 1734 bit 1868 weer se Tuchthuus un Kaschott for Froenslüde. Vun 1920 af an höört dat to de Waldeckischen Domanialverwaltung un is Opentlich Vermögen.

Literatur[ännern | Bornkood ännern]

  • Elmar Brohl: Festungen in Hessen. Herausgegeben von der Deutschen Gesellschaft für Festungsforschung e.V., Wesel, Schnell und Steiner, Regensburg 2013 (= Deutsche Festungen 2), ISBN 978-3-7954-2534-0, S. 195–200.
  • Rudolf Knappe: Mittelalterliche Burgen in Hessen: 800 Burgen, Burgruinen und Burgstätten. 3. Auflage. Wartberg-Verlag. Gudensberg-Gleichen 2000, ISBN 3-86134-228-6, S. 134.
  • Rolf Müller (Rutg.): Schlösser, Burgen, alte Mauern. Herausgegeben vom Hessendienst der Staatskanzlei, Wiesbaden 1990, ISBN 3-89214-017-0, S. 355–357.

Weblenken[ännern | Bornkood ännern]

Commons-logo.svg Slott Waldeck. Mehr Biller, Videos oder Audiodateien to’t Thema gifft dat bi Wikimedia Commons.