Slott Les Aygues

Vun Wikipedia
Zur Navigation springen Zur Suche springen
Schloss Les Aygues

Dat Schloss Les Aygues (franzööschChâteau Les Aygues) wurr wiels dat 19. Johrhunnert in’ Still vun Louis-treize baut un deen sien Bewahner as repräsentative Sömmerresidenz an’t Meer. Dat Slott befinnd sück in dat franzöösch Seebad Étretat in dat Département Seine-Maritime in de Normandie un kann apenlich besichtigt wurrn. Siett August 1997 sünd Deelen vun dat Slott, dat an de historsch Elfenbeen- un Gewürzstraat liggt, as Monument historique in de franzöösch Denkmallist inschreeven.[1]

Historie[ännern | Bornkood ännern]

Togangspoort mit Historientafel

De vermögend Inhebberin vun dat Eau de Mélisse des Carmes, Amédée Boyer, leet 1866 de slottoordig Villa as Sömmerfrische in Étretat dör den franzööschen Architekten Théodore Huchon bauen. Dat symmetrische Bowark entspreck den dormaligen Tietgesmack vun dat Tweet Kaiserriek ünner Kaiser Napoleon III. Jean-Charles Alphand un Gabriel Davioud hemm den dortohören Slottpark entworfen, de sien Stil ähnlich as de Pariser Parc des Buttes-Chaumont is. Nahfolgend övernehmen de Arv Angélique de la Houssaye un hör Mann, de Groot-Kamerherr vun den russisch Kaiser Nikolaus I., Fürst Joseph Lubomirski, ut dat poolsch Hoochadelsgeslecht Lubomirski, dat Château. Later wurr dat denn as Ferienresidenz vun de spaansch Königinnen Maria Christina von Neapel-Sizilien un Isabella II. von Spanien bruukt. To de bekanntst Gasten vun dat Slott hörrn ünner annern Jacques Offenbach un Alexandre Dumas.[2]

Hüüdig Gebruuk[ännern | Bornkood ännern]

Detailansicht

Nahdem dat Slott mehr as twintig Johr lang los stunn wurr dat historsch Bowark 1989 vun twee Lüüd, de sück för Historie interesseeren deen, erwurben. Dornah folg en umfaaten un detailgetrüe Renoveeren vun dat Slott, wat todem noch mit authentisch Möbelmang, Portraits un Kunstwarken ut dat 18. un 19. Johrhunnert utstatt wurr. Doröver herut beherbargt dat Bowark en chineesch Keramik- un Porzellansammlung. En Suite un en Zimmer vun dat Slott könnt hüüd as „Chambres d’hôtes de prestige“ hüert wurrn.[3]

Literatur[ännern | Bornkood ännern]

  • Vanessa Yager (Hrsg.): Ouverts au public. Monuments historiques: chateaux et abbayes, parcs et jardins, sites industriels et archéologiques édifices du XXe siècle. Le guide du patrimoine en France. Monum, Edition du patrimoine, Paris 2002, ISBN 2-85822-760-8, S. 537.

Weblenken[ännern | Bornkood ännern]

Commons-logo.svg Slott Les Aygues. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. http://www.culture.gouv.fr/public/mistral/merimee_fr?ACTION=CHERCHER&FIELD_1=REF&VALUE_1=PA76000028, Slott Les Aygues in de Base Mérimée vun dat franzöösch Kulturministeriums (franzöösch), afropen an’ 20. Mai 2015
  2. Schloss Les Aygues auf etretat.net, afropen an' 5. Juni 2011.
  3. Séjourner aux Aygues auf chateaulesaygues.com (franzöösch)


Koordinaten:49° 42′ N, 0° 13′ O