Slott Costaérès

Dat Eiland un dat Slott Costaérès

Dat Slott Costaérès (franzöösch: Château de Costaérès; bretoonsch: Kastell Kostaerez) is en neegotisch Slott in Frankriek. Dat steiht up en Felseneiland mit glieker Naam vör de bretoonsch Noordküst – de so nömmt Côte de Granit Rose –, nich wiet vun de to de Gemeend Perros-Guirec hörrn Strand vun Ploumanac’h, aber noch up dat Rebeet vun de Gemeend Trégastel.

Geschichte

Ingangsberiek vun dat Slott in Ploumanac'h

De repräsentative Bau wurr van 1892 bit 1896 as Wahnsitt vun den litauisch-poolschen Mathematiker, Elektroingenieur un Utfinners Bruno Abdank-Abakanowicz in’ neegotischen Stil vun den Historismus nah dat Vörbild vun middelöllerich Borgen baut. De Utbau wurr aber eerst nah sien Dood fardigstellt. Dat Slott weer Drapenspunkt vun völ poolsch Emigranten as Aleksander Gierymski, Władysław Mickiewicz, Leon Wyczółkowski un den poolschen Literaturnobelpriesdräger Henryk Sienkiewicz. Sienkiewicz weer en eng Früend vun Abakanowicz; sien 1895 herutbrocht Roman Quo Vadis entstunn up Slott Costaérès.

Siet 1988 is is dat de tweet Wahnsitz vun den düütschen Schauspeler Dieter Hallervorden. Schräg tegenöver steiht dat ehmalge Wahnhuus vun Gustave Eiffel.

Weblenken

Slott Costaérès. Mehr Biller, Videos oder Audiodateien to’t Thema gifft dat bi Wikimedia Commons.

• Dat Slott in de Base Mérimée dvun dat franzöösch Kulturministerium (franzöösch)
• Dossier to dat Slott as PDF un as Websteed (franzöösch)