Slott Chambéry
.JPG)
Dat Slott Chambéry is en olt Festungsanlaag un Slott vun de Hartöög vun Savoyen ut dat 11. Johrhunnert.Dat befinnd sück in de Gemeend Chambéry in dat Département Savoie in de Region Auvergne-Rhône-Alpes (Frankriek).
Geschichte[ännern | Bornkood ännern]
De Borg wurr in dat 11. Johrhunnert vun de Herren vun Chambéry upricht. Graf Amadeus V. hett Chambéry 1295 to de Hööftstadt vun de Grafschup Savoyen maakt, den Status se bit 1563 behull. Dat Slott wurr siet dat 13. Johrhunnert mehrmals ännert, hett aber sietdem sien administrative Funktschoon immer behollen. In de Slottkapelle Sainte-Chapelle wurr van 1502 bit 1578 dat Hillige Graffdook upbewohrt. Bi den Brand vun de Sainte-Chapelle an‘n 4. Dezember 1532 wurr dat Graffdook anschmort und rocht sietdem de hüüd sichtboren Brandlöcker. 1578 leet Herzog Emanuel Philibert von Savoyen de Reliquie vun Chambéry in sien nee Residenzstadt Turin in den Turiner Dom överführen, In sien Glockentoorn wurr vun de Geeteree Paccard in Sévrier en groot Glockenspeel, dat Glockenspeel "Saint-François de Sales", installeert, dat ut 70 Glocken besteiht. Jeden eersten un darten Saterdag in’n Maand finnd um 17.30 Ühr en Konzert statt.
Tüschen 1536 un 1713 wurrn Chambéry un dat Slott mehrfack vun de Franzosen besett. De Freeden vun Utrecht hett dat weer Savoyen tospraaken. 1730 leet sück de König Viktor Amadeus II. vun Sardinien, nahdem he de Regeeren daalleggt har, hier daal. 1742 wurr Chambéry vun en franzöösch-spaansch Armee erobert. Van 1792 bit 1814 stunn de Stadt weer ünner franzöösch Herrschap un weer Hööftoort vun dat Département Mont-Blanc. Harr de Eerst Pariser Freeden van’n 30. Mai 1814 Chambéry bi Frankriek laaten, so keem dat in’n Tweeten Pariser Freeden van’n 20. November 1815 an Sardinien torüch. 1860 wurr dat mit Savoyen endgültig an Frankriek aftreeden. In dat Slott sünd hüüd Deenststäen vun de Präfektur Savoie, vun den Departementsraat Savoie un de Academie Savoie ünnerbrocht.
Dat ehmalge Slott vun de Hartöög vun Savoyen wurr mit Besluss van’n 10. August 1881 ünner Denkmalschuul stellt, un de groot Salon mit dat Louis-seize-Dekor wurr mit Besluss van’n 20. April 1960 ünner Denkmalschuul stellt.
