Siegmund Oss

Vun Wikipedia
Zur Navigation springen Zur Suche springen
Koophuus Oss

Siegmund Oss (* 9. Mai 1865 in Leh; † 10. Juli 1920 in Geesmünn) weer en Koopmann in Leh un Geesmünn.

Läven[ännern | Bornkood ännern]

He weer de Söhn vun de juudisch Koopmann Salomon Oss, de sien Laden in de Hobenstraat in Leh harr. 1888 harr de en Laden apenmakt för Wäsch- un Kledaasch för Mannslüüd. Siegmund Oss harr een Laden in den Laden vun sien Vadder in de Hobenstroot, een in de Fährstroot un een in de Börgermeester-Smidt-Stroot in Bremerhoben. Man de Hööftladen weer in Geesmünn in de Kaistroot. Dormit höört he mit Armin Ketelsen to de gröttsten Ladens för Mannslüüdkledaasch an de Ünnerwerser. Den Hööftladen hett 1912 de Boemeester Heinrich Jäger plaant. För eene korte Tied har he ock een Fabrik för Hemmen. Mit de juudsche Gemeen harr he nich so veel mit an Hoot. Sien Froo weer evangeelsch un heet Lilly Oss, boren Schlemmermeyer (*10.07.1867 +25.03.1940). De Beid leggt op den evangeelschen Karkhoff in Wulsdörp.[1] As Siegmund Oss doot bleven is, hefft sien Froo, sien Dochter un sien Swiegersöhn den Laden övernomen un davun een KG maakt. De Swiegersöhn weer af 1935 alleeniger Inhebber. De Ladens in Bremerhoben hefft se 1928 dicht maakt, 1958 is de Firma utgahn. 1906 hett Siegmund Oss in Swachhusen an de Swachhusener Chaussee 198 sick een Villa hen setten laten. Warüm, is nich künnigmaakt. Kann angahn, datt he in Bremen ock Ladens hatt hett. Secker is, datt he in Oldenborch een Laden harrt hett. De Villa harr bannig veel Stuven un seeg hellsch smuck ut. Keen se buet hett, is nich künnigmaakt. Man lang hett he dorr nich levt, denn 1913 is he torüch na Geesmünn und he hett dat Huus verkofft.[2]

Wat is nahbleven? Nur een Postkoort, wo he op een Billerbook mit all sien Mannslüüt-, Kinner- und Arbeiterkledaasch un Schoh in henwiest. De Dochter hett een Evangeelschen heirodt. Denn schull dor noch een Jung weest heben, de Siegmund Oss junior nömt worrn is. Düssen hefft de Nazis 1941 in Kaschott stecken un hefft em achteran nah Riga hin bröcht, dor hefft de Nazis em doot slahn.

Siegmund Oss wer Schrieversmann in den Ortskoppel vun de düütschen Kledaaschladens. Ock weer he in den Buvereen Geesmünn-Süüd. Denn weer he ock noch in den Kriegerkameradskoppel Geesmünn un Vörturner in Geesmünner Turnvereen.

Wat doröver schrieven is[ännern | Bornkood ännern]

  • Peter Raap: Im Zeitlauf der Geschichte: Am Geestemünder Hauptkanal – Kaufhaus Oss. Niederdeutsches Heimatblatt 685 (Januar 2007). PDF-Datei
  • Hartmut Bickelmann: Bremerhavener Persönlichkeiten aus vier Jahrhunderten – Ein biografisches Lexikon. Veröffentlichungen des Stadtarchivs Bremerhaven (2003) ISBN 3-923851-25-1

Enkeltenawiesen[ännern | Bornkood ännern]

  1. Gräber von Lilly und Siegmund Oss (genealogy.net)
  2. Silke Hellwig: Eine Villa mit dunkler Vergangenheit. Weser-Kurier 24. August 2015