Siegfried Detlev Bendixen

Vun Wikipedia
Siegfried Detlev Bendixen: Hünengräber bey Volckstedt (Volksdörp)

Siegfried Detlev Bendixen (* 25. November 1786 in Kiel; † 1864 in London) weer en däänisch-düütschen Maler un Grafiker.

Bevör he sik 1832 in London nedderlaten hett, weer Bendixen vör allen as Landschapsmaler in Hamborg un ümto in’e Gang. He weer ok de eerste Maler, de sik intensiv för dat Dorstellen vun noorddüütsche vörgeschichtliche Denkmaals intresseren dee. So möök he ünner annern dree Raderungen vun de Hünengräver bi Volksdörp un möök in de Johren 1821 un 1822 ene Reeg vun Lithografien vun Öllerdömer ut’n Besitt vun de Patriootsche Sellschop Altno.

Bendixen hett ok dat levensgrote Bild vun St. Ansgar in de Kark St. Trinitatis in Altno maalt, de 1823 trech worrn is.

Christian Morgenstern un Louis Gurlitt weren bi em in de Lehr.

Weblinks[ännern | Bornkood ännern]

Siegfried Detlev Bendixen. Mehr Biller, Videos oder Audiodateien to’t Thema gifft dat bi Wikimedia Commons.