Shoshone

Vun Wikipedia
Tipis vun de Shoshone

De Shoshone (Eegenbeteknung Nimi; fröher ok Schoschonen) sünd een Indianerstamm. Se snacken ok Shoshone, wat to de uto-aztekisch Spraakfamilie hörrt.

Ehr Wohngebiet hett sück fröher up Wyoming, Montana un Deelen van Idaho, Utah, Nevada und Oregon verdeelt. Nahbervölker weern de Bannock un Paiute. Fröher weern de Shoshone Jäger un Sammler, aber to Anfang van dat 18. Johrhunnert hebbt vör ellen den Nöördlich Shoshone dat Peerd domestizeert un sünd denn anfangen, Bisons to jagen. 1849 gung dat mit de Goldruusch los, un dormit fung een langen Wedderstand van de Shoshone an.

De Shoshone weern kien Eenheet, sondern weern völ lüütje unafhängig Gruppeeren.

Ok Hüdtodag gifft dat noch beröhmt Shoshonen, to’n Bispeel de Süsters Mary un Carrie Dann, de 1993 den Alternativen Nobelpries kregen hebbt.

Gleederung[ännern | Bornkood ännern]

De Shoshone tellt to dat Kulturareal Groot Becken und wurrd ünnerdeelt in

De Westlich Shoshone ünnerscheeden sück van de Nöördlich un Ööstlich Shoshone dordör, dat se kien Peer harrn un dorüm ok nich Bisons in de Plains jagen kunnen. Se hebbt van dor ut ok kien Plains-Kultur entwickelt. De kulturellen Ünnerscheede tüschen Nöördliche un Ööstliche Shoshone weer dorgegen eher minn. De Grenz tüschen disse beid Kategorien baseert up geografisch ünnerscheedlich Siedlungsöörd un dorup, dat för de Nöördliche Shoshone de Lachsfang een grötter Bedüüden harr as för de Ööstliche Shoshone.

De Indeelen in disse dree Kategorien stammt aber van den Witten, de Shoshone sülvst hebbt disse Ünnerscheeden nich makt. Een klar kulturell Grenz tüschen disse dree Kulturen gifft dat dorüm ok nich.

Kiek ok[ännern | Bornkood ännern]

List van Indianer up de noordamerikaansche Kontinent

Weblenken[ännern | Bornkood ännern]

Category:Shoshoni. Mehr Biller, Videos oder Audiodateien to’t Thema gifft dat bi Wikimedia Commons.