Sergei Wladimirowitsch Korsakow
Sergei Wladimirowitsch Korsakow (russisch Сергей Владимирович Корсаков Sergej Vladimirovič Korsakov; engelsch Sergey Korsakov; * 1. September 1984 in Frunse, Kirgisische Sowjetrepublik, Sowjetunion) is en russisch Kosmonaut.
Werdegang[ännern | Bornkood ännern]
Korsakow hett 2006 mit en Afsluss in Raketendrievwarken an de Bauman-Universität in Moskau afslooten. He wurr an’n 8. Oktober 2012 as Ruumfohrer utwählt. He weer dornah as Testkosmonaut (TK) instuuft. In’n November 2020 wurr he as Bordingenieur för de ISS-Expedition 65 indeelt un sull in’n April 2021 mit dat Ruumschipp Sojus MS-18 starten.[1] Een Maand för den Start wurr he aber ut de Mannschap nommen un dör den US-Amerikaner Mark Vande Hei ersett. De NASA wull sekerstellen, dat immer mindst een amerikaansch Astronaut an Bord vun de ISS is, ok wenn wegen nich vörhersehbar Problemen de amerikaansch Ruumscheep över längere Tiet nich starten kunnen.[2]
An‘n 18. März 2022 floog he mit dat Ruumschipp Sojus MS-21 gemeensam mit Oleg Germanowitsch Artemjew un Denis Wladimirowitsch Matwejew to de Internatschonale Ruumstatschoon, wo sück to de Tiet Anton Nikolajewitsch Schkaplerow, Raja Chari, Thomas Henry Marshburn, Matthias Maurer un Karen Jane Sax Barron uphollen deen. Mit de hemm se de ISS_Expedition 66-Crew billd. Schkaplerow is en paar Daag later torüchflagen, Marshburn, Chari, Maurer un Barron in’n Mai 2022. Dorför hörrn af April 2022 Kjell Norwood Lindgren, Robert Thomas Hines, Samantha Cristoforetti un Jessica Andrea Watkins to de nunmehr ISS-Expedition 6. Artemjew, Matwejew un Korsakow sünd an’n 29. September 2022 weer up de Eer lannd. Meest 195 Daag weer he in’n Weltruum ween.
Weblinks[ännern | Bornkood ännern]
Enkeld Nahwiesen[ännern | Bornkood ännern]
- ↑ Roscosmos: ISS 65 Besatzungen genehmigt. 3. November 2020, afropen an’n 11. Dezember 2020.
- ↑ Justin Davenport: Soyuz MS-18 launch marks 60 years of human spaceflight. nasaspaceflight.com, 8. April 2021, afropen an’n 9. April 2021 (engelsch).