Seleukiden

Vun Wikipedia
Wesseln na: Navigatschoon, Söök
De Seleukiden ehr Riek, ca. 300 v. Chr.

De Seleukiden sund en Huus vun hellenistische Könige. Se hefft regeert over en Riek in den Middeloosten vun 311 v. Chr. bit 63 v. Chr.. Düt Riek warrt meist Seleukidenriek nömmt.

Tied vun de Blöte[ännern | Bornkood ännern]

Dat Königriek is grünnt wurrn dör Seleukos I. Nicator (Nicator heet de Winner; ca. 358 - 281 v. Chr.). Seleukos is een vun Alexander den Groten siene Diadochen (Generale) ween. As Alexander 323 v. Chr. sturven weer, is Seleukos Satrap (Gouverneur) vun Babylonien wurrn. Vun dor ut hett he eerst den Osten un later den Westen vun Alexander sien Riek erovert. Amenne lang sien Imperium vun Thrakien bit to dat hüdige Usbekistan. He hett en Reeg vun Städer grünnt, dormank Seleukia an den Tigris-Stroom in Babylon (um 305 v. Chr. rüm), Antiochia, un de Habenstadt Seleukia in Syrien.

Blot noch Syrien blifft na[ännern | Bornkood ännern]

Nadem dat Riek unner Antiochos den Groten noch mol for korte Tied wat grotter wurrn is, is dat mit de Tied tohopen fullen. Toeerst hett dat in den Syrschen Krieg en Nedderlaag gegen Rom leden, un denn möss dat in den Freden vun Apamea ruchweg de hüdige Törkei an Rom afgeven. Na den Dood vun Antiochos IV. Epiphanes 164 v. Chr. weer dat nich klaar, wer em nafolgen scholl. Dor hett dat Partherriek 141 de ööstlichen Deele vun dat Riek innahmen.

Internen Striet[ännern | Bornkood ännern]

114 v. Chr. is en Striet in dat Huus utbraken twuschen de Halfbröder (un Brodersöhns) Antiochos VIII. Grypos un Antiochos IX. Cyzicenos. Düsse Striet is nie nich mehr begööscht wurrn. De Striet twuschen düsse twee Twiege un twuschen de fiev Söhns vun Grypos unner'nanner hefft de lesten Johrteinte vun dat Riek bestimmt.

De Unnergang[ännern | Bornkood ännern]

Vunwegen de Uneenigkeit in dat Förstenhuus hett en König vun buten dat Riek de Gelegenheit nahmen, dat Land to besetten. Dat weer Tigranes III., König vun Armenien. He weer sülms to Hölp ropen wurrn vun vertwiefelte Syrers, datt he de Saak vun den Staat wedder up Schick bringen scholl. Vunwegen datt he en Bund-Genoten vun Rom sien Fiend Mithridates VI. weer, hett ok Rom mit den Syrischen Striet to kriegen harrt. Röömsche Truppen dreven Tigranes na de Barge vun Armenien torüch un setten noch en poor Twiege ut dat Seleukidenhuus up den Throon. Man amenne is dor denn de definitive Unnergang vun dat Riek up folgt: 64 v. Chr. hett Pompeius dat, wat noch vun dat vörmolig mol so grote Riek nableven weer, to de röömsche Provinz Syria maakt.


List vun Könige ut de Seleukiden ehr Huus[ännern | Bornkood ännern]

Moderne Literatur[ännern | Bornkood ännern]

  • O. Hoover, "Revised Chronology for the Late Seleucids at Antioch (121/0-64 BC)" in: Historia 65/3 (2007) 280-301
  • Amelie Kuhrt en Susan Sherwin-White, From Samarkhand to Sardis. A new approach to the Seleucid empire (1993 Londen)

Weblenken[ännern | Bornkood ännern]