Seismizität

Vun Wikipedia
Zur Navigation springen Zur Suche springen
De globale Seismizität billt de Platengrenzen af

As Seismizität warrt in de Seismologie dat Vörkamen vun all Eerdbeven in en Rebeet betekent. All disse Eerdbeven künnt op jemehr Verdelen in Ruum un Tiet, systemaatsche Aflööp un Energieverdelen un so wieter ünnersöcht warrn. So kann för vele Öörd op de Eer de Seismizität beoordeelt un inschätzt warrn. Wenn en sik de Seismizität över de hele Eer ankieken deit, is se an de Platengrenzen an’n dullsten.

Grundlagen[ännern | Bornkood ännern]

Eerdbeven künnt mit Seismometers optekent warrn, de jem as Seismogrammen dorstellen doot. Ut mehrere Seismogrammen vun verschedene Statschonen is dat mööglich, den nauen Oort un den TGietpunkt vun en Eerdbeven to bereken as ok de Energiemenge, de dorbi freesett worrn is (över de Magnitude). De faststellten Eerdbeven künnt sik vun de Stärk her üm vele Teihnerpotenzen ünnerscheden – vun roor vörkamen Katastrophenbeven bit hen to de swacken Mikrobeven, de een ahn Meetreedschoppen nich wohrnehmen kann, un de meist jeden Dag aflöpt. Wenn een dat utweerten will, warrt de Beven för en defineert Rebeet in Diagrammen un Korten dorstellt un statistisch un analytisch ünnersöcht.

Bereken vun de Seismizität[ännern | Bornkood ännern]

Blangen de qualitativen Dorstellen vun de Seismizität, as baven beschreven, kann een ok en quantitative Bereken maken. Dorbi warrt vun gliek grote Flachandeelen in dat defineerte Rebeet utgahn, de över Koordinaten fastleggt warrt. Ok in piele Richt kann een so Intervallen fastleggen un sik de Eerdbevenverdeelen in verschedene Depenrebeden ankieken. Mit disse Vörgaven kann de Seismizität S op disse Wies berekent warrn:

mit

: Energie vun en enkelt Beven
: Intervall vun de geograafschen Breed
: Intervall vun de geograafschen Läng
: Intervall vun de Heerddeep
: Intervall vun de Heerdtiet

De Seismizität, de op disse Oort berekent warrt, warrt in de Maateenheit 10x erg / km3 · a angeven. x steiht dorbi för en Hoochtall twüschen 10 un 30.

Kiek ok[ännern | Bornkood ännern]

Literatur[ännern | Bornkood ännern]

  • Götz Schneider: Erdbeben. Eine Einführung für Geowissenschaftler und Bauingenieure, 2004, ISBN=978-3-8274-1525-7