Schwarz Cranz
De Schwarz Cranz GmbH & Co KG is en Ünnernehmen ut Vosshusen, dat Fleesch- un Wustworen herstellt.
Historie
[ännern | Bornkood ännern]Dat Ünnernehmen geiht trügg op de Landslachteree Schwarz, de Johann Wilhelm Tobias Schwarz 1852 in de Dörpstraat 19 (vondaag Eestdiek 34) in Cranz grünnt hett.[1] Ünner Paul Wilhelm Schwarz hett de Slachteree denn ok anfungen, de Oollanner Mettwust hertostellen un hett dat eerste Köhlhuus kregen.[1] Paul Wilhelm is 1941 doodbleven.[1] Een Söhn weer in’n Tweten Weltkrieg fullen un de annere weer in Fungenschop.[1] Eerst 1945 hett Paul Wilhelm Otto Schwarz dat Ünnernehmen denn wedder wiederföhrt.[1] 1954 sünd ne’e Slacht- un Bürorüüm in Cranz boot worrn.[1] 1964 hett Schwarz Cranz denn ophöört, sülvs to slachten un hett blots noch Fleesch wiederverarbeidt.[1] 1970 hett Paul-Otto Schwarz de Slachteree övernahmen.[1] To disse Tied harr se al 40 Mitarbeiders. 1992 is dat Ünnernehmen von Cranz na Vosshusen ümtagen.[1] 1999 hett Kristin Schwarz in sösste Generatschoon dat Familienünnernehmen övernahmen. Sietdem is de Tall Mitarbeiders von 200 op 650 stegen un de Ümsatz is veer Maal so groot as 1999.[1] Nu hett Schwarz Cranz 130 Milljonen Euro Ümsatz (Stand 2013).[1]
Footnoten
[ännern | Bornkood ännern]- ↑ a b c d e f g h i j k Schwarz Cranz – Familienunternehmen in über 160 Jahren zum Erfolg op Deutsche Unternehmerfamilien
Weblenken
[ännern | Bornkood ännern]- Websteed von dat Ünnernehmen (hoochdüütsch)
Koordinaten:53° 28′ N, 9° 47′ O