Schottsch Clan

Wo de Clans in Schottland tohuse sünd

En Clan in Schottland is en gröttern sozialen Verband vun Lüde, de normolerweise tominnst wietlöftig mit'nanner verwandt sünd. Dat engelsche Woort Clan (vun schottsch-gäälsch „Clann“ = Kinner, Nakamen, Stamm, Familie) meent an un for sik en Grupp vun Familien, de in bestimmte Gemarken tohuse sünd, as in en Daal in’e Barge (Glen) oder up en Eiland, un de dor vun utgaht, datt se man vun een Vörweser afstammt un herkaamt (meist mytholoogsch oder sagenhaftig). Vörmols weer de Clan-Baas Herr un Richter over siene Lüde. To siene Plichten höör dat ok, mit’e Wapen in’e Hand för jem intostahn. Hüdigendags passt de Lord Lyon King of Arms in’n Updrag vun den Staat up, datt de Clan-Basen, de Clans un de Familien all ehr Recht kriegt.