Schiermonnikoog

Vun Wikipedia
Satellitenupnahm vun de Insel

Schiermonnikoog is en Insel van de Nedderlannen un hörrt to de Westfreesch Inseln. Se is de lüttste van de fiev bewahnt Waddeneilannen.

1989 wurr de Insel to’n Natschonalpark nömmt. Se hett en Längt van 16 km un en Breet van 4 km. De eenzige Oort up disse Insel heet ebenfalls Schiermonnikoog. All tosommen wahnen up de Insel knapp 1000 Minschen.

De Naam bedüüd „Insel vun de grau Mönken“ (Schier heet Grau, Monnik steiht för Mönk un oog för Insel) un kummt dorvan dat Mönken van dat Zisterzienserkloster Claerkamp in dat freesch Dokkum um dat Johr 1200 up dat Eiland kommen sünd un de Insel de Naam geeven hemm.

Schiermonnikoog weer van 1892 bit 1945 in‘ privaten Besitt vun den düütsch Adeligen Hartwig von Bernstorff. Wiels den Tweeten Weltkrieg un de düütsch Besatten hett he dorför mit sörgt, dat de Inselbewahner meest nich behelligt wurrn. Dat broch hüm dor en hooch Ansehn in. As he 1987 storven is, drüff hüm sien Familie up den Inselkarkhoff neben de Reformeert Kark begraven - en besünner Privileg.

Weblinks[ännern | Bornkood ännern]