Scheer

Vun Wikipedia
Twee Scheern: (1) is linkspotig un (2) rechtspotig

Een Scheer (pl. Scheeren) is een Warktüüch to’n utenanner snien vun allerhand Materiol. Bruukt ward de Scheer to’n Bispeel: In’n Huushalt to’n Popier oder Stoff snien; bi’n Dokter to’n Afsnien vun Verbandplünn; bi’n Snieder to’n Stoff un Band snien; bi'n Schooster to’n Ledder snien; bi’n Klempner oder Schlosser to’n Blick snien. De Scheeren sün tomehrst ut Iesen un ünnerscheidlik kort oder lang, dünn oder bannig stobil, graad oder krumm bogen. In’n Gang bringt’n de Scheer mit twee Greepen / Greepööschen, een för den Dumen, de tweet för den Wiesfinger oder ok för twee Fingers. Drück’n de Greepen tohopen, denn bringt’n ok de Snieden tohopen un dat Materiol ward dörchtrennt. Wenn dickert Blick oder Iesen dörchsneen warrn mutt, denn gifft dorto extra Scheeren bi den Smed oder Schlosser, de op den Arbeitsdisch fastmookt sün un denn mit een groten Hevel bedeint ward. Wiel jedereen ok seen will, wat he snitt, gifft dat Scheeren för Links- un Rechtspoten.

Weblenken[ännern | Bornkood ännern]

Scheer. Mehr Biller, Videos oder Audiodateien to’t Thema gifft dat bi Wikimedia Commons.