Sankt Paulidorf

Sankt Paulidorf weer en lütt Oort op de Süüdinsel von Neeseeland.

De Oort is von de 140 Düütschen grünnt worrn, de an’n 14. Juni 1844 mit dat Schipp Sankt Pauli von Hamborg (Affohrt an’n 26. Dezember 1842) ut na Nelson kamen weren. De Lüüd kemen vör allen ut Noorddüütschland un deelwies ut dat Rhienland. En groten Deel hett blot Plattdüütsch snackt. Se hebbt sik in’t Schachtstal dallaten (nöömt na’n Koptein von de Sankt Pauli). Nadem dat Daal aver jümmer wedder överswemmt worrn is, hebbt se dat Dörp opgeven un de Lüüd sünd verstreit na annere Delen von Neeseeland un deelwies na Australien tagen. Welk Lüüd hebbt sik denn ok dat düütsche Dörp Sarau anslaten, dat von Lüüd ut Ranzau in de Neegd von Sankt Paulidorf grünnt worrn is.