Samuel Lipschütz

Vun Wikipedia
Samuel Lipschütz

Samuel Lipschütz (* 4. Juli 1863 in Ungvár, Öösterriek-Ungarn (hüüd Ukraine); † 30. November 1905 in Hamborg) weer en US-amerikaansch Schachmester vun ungaarsch Herkunft.

Leven un Wark[ännern | Bornkood ännern]

Lipschütz is to Anfang vun de 1880er Johren nah New York in de Vereenigte Staaten inwannert, wo he gau as stark Schachspeler Upmarksomkeit kreeg. 1883 hett he eerstmals den New Yorker Klub gegen en Utwahl ut Philadelphia vertreden un hett sien beid Partien wunnen. 1885 wunn he dat Turnier vun den New Yorker Schachklub un speel een Johr dorup eerstmals in’t Utland an en internatschonal Turnier (in London), wo he gegen Johannes Hermann Zukertort un George Henry Mackenzie wunn un vör de beid Platz 6 belegg. 1886 hett hüm Mackenzie aber in New York City, mit 7,5:5,5 (+5, −3, =5) besiegt. Lipschütz wunn 1890 un 1892 de US-Meesterschap. 1897 deel he sück Platz een mit Wilhelm Steinitz bi en Turnier in New York. 1900 wunn he de Meesterschap vun den Manhattan Chess Club vör Frank James Marshall un Jackson Whipps Showalter.

Lipschütz is denn an en Lungenkrankheit krank wurrn, de he 1905 in Hamborg behanneln leet. He is denn an de Folgen vun en Operatschoon storven.

Sien best historsch Elo-Tall weer 2742 in’ Januar 1901, dormit weer he to de Tiet de veertbeste Speler vun de Welt.

Literatur[ännern | Bornkood ännern]

  • Anthony John Gillam: Samuel Lipschütz. The Chess Player, Nottingham 2000

Weblenken[ännern | Bornkood ännern]