Sam Taylor (Jazzmusiker)

Vun Wikipedia

Sam „The Man“ Taylor (* 12. Juli 1916 in Lexington (Tennessee) as Samuel L. Taylor; † 1990) is en ehmalg US-amerikaansch Jazz- un Rhythm and Blues-Saxophonist (Tenor, Bariton) un Klarinettist.

Taylor keem ut en musikaalsch Familie un studeer an de Alabama State University, wo he in dat College Orchester speel. Dornah weer he in de Band vun sien Bröer Paul in Gary (Indiana). 1937/38 speel he bi Scatman Crothers (1910-1986), de later as Schauspeler bekannter weer, un 1939 bit 1941 in dat Sunset Royal Orchestra. 1941 bit 1943 un 1945/46 weer he in der Band vun Cootie Williams, ünnerbraken vun een Johr 1944/45 bi Lucky Millinder. 1946 bit 1952 weer he bi Cab Calloway, mit de he 1951 en Süüdamerika-Tournee ünnernommen hett un 1952 in de Karibik weer. Dornah hett he sück aber mehr den Rhythm and Blues towendt. 1952 harr he en Spood mit den Birmingham Boogie, upnommen mit sien Blues Chasers (en Quintett mit Taft Jordan Trompete, Milton Hinton Bass, Panama Francis Slagtüüch, Bert Keyes Piano).

In de Johren 1955/56 hett he en eegen Combo leid tun weer mit de disse as ok solo en fraagten Sideman bi Plattenupnahmen. Up de oosprünglich Upnahm vun „Shake, Rattle and Roll“ vun Big Joe Turner speel he dat Saxophon. He speel völ Rhythm and Blues Platten as Leader in un nehm buterdem ünner annern mit Louis Jordan (1956), Ray Charles (1953), Ella Fitzgerald (1953), Buddy Johnson, Sy Oliver, Quincy Jones, Lawrence Brown up. Taylor hett in de 1950ern as Nahfolger vun Count Basie de Studioband för de Camel Rock´n Roll Dance Party vun den Discjockey Alan Freed bi CBS leidt. In de 1960er Johren hett he eegen Bands leidt, mit de he ok upnommen hett. 1963 weer he up Japan-Tournee, ünner annern mit Dud Bascomb.

Sien Swing-orienteert Plaat Jazz for Commuters[1] van 1958 is as CD nee rutbrocht wurrn. He speel dor mit Charlie Shavers, Frank Rehak, Thad Jones, Georgie Auld, Budd Johnson, Hank Jones, Billy Bauer un sien old Rhythm-Section Milton Hinton un Panama Francis.

Literatur[ännern | Bornkood ännern]

  • Barry Kernfeld (Herausgeber) The New Grove Dictionary of Jazz, 1996

Weblenken[ännern | Bornkood ännern]

Verwiesen[ännern | Bornkood ännern]

  1. översett „Jazz für Pendler“