Salvapan

Salvapan is en Stadtdeel von Belmopan, de Hööftstadt von Belize.

De Stadtdeel hett üm un bi 3000 Inwahners. Dor leevt vör allen Inwannerers ut de Länner ümto Belize. De wichtigste Spraak is dormit Spaansch.

Belmopan sülvs is eerst 1970 grünnt worrn un Salvapan is in de Johren 1980 besiedelt worrn. Dor is toeerst en UNHCR-Lager för Flüchtlinge ut El Salvador un Guatemala anleggt worrn. De Naam sett sik tohoop ut El Salvador (wo en goden Deel von de eersten Bewahners herkeem) un Belmopan.

Annere Stadtdelen von Belmopan sünd San Martin, Las Flores, Maya Mopan un Riviera.