Séverine Beltrame

Séverine Beltrame (* 14. August 1979 in Montpellier) is en ehmalge franzöösch Tennisspelerin. Bit to hör Scheedung in 2011 is se ünner de Naam Brémond Beltrame antreden.

Karriere

Beltrame kunn in hör Loopbahn noch kien Turniersieg recken. An’ 5. Februar 2007 reck se mit Rang 34 de hööchst Platzeeren in de Fruen-Weltranglist. Dat best Ergevnis in en Grand-Slam-Turnier gelung hör mit dat Recken vun dat Veertelfinale vun Wimbledon 2006, wo se denn tegen Justine Henin verlor. In’t Mixed keem se 2007 gemeensam mit Fabrice Santoro in Wimbledon sogor bit in’t Halffinale.

Immerhen keem se aber ok fiev Mal in den Fed-Cup to’n Insatz.

In' Mai 2013 geev Séverine Beltrame hör Karriereenn' bekannt.^[1]^[2] Dennoch is se 2013 in Wimbledon noch mal för den Düppelwettbewarf antreeden, is aber mit hör Landsfru Laura Thorpe gliek in de eerst Runn utscheeden. Dat weer hör letzt Match up de Profitour.

Weblenken

Enkeld Nahwiesen

↑ Beltrame se retire, lequipe.fr, afropen an' 12. Juni 2013
↑ 34 year old Frenchwoman Severine Beltrame announces her retirement from the game

[1] Beltrame se retire, lequipe.fr, afropen an' 12. Juni 2013

[2] 34 year old Frenchwoman Severine Beltrame announces her retirement from the game

[1]

[2]