São Salvador do Mundo

Vun Wikipedia
De Laag vun São Salvador do Mundo

São Salvador do Mundo is en Verwaltensrebeet (Concelho) vun’t Eiland Santiago in de Republiek Kap Verde. De Concelho ümfaat blots de een Karkengemeen São Salvador do Mundo.

Geografie[ännern | Bornkood ännern]

De Distrikt São Salvador do Mundo is noch düchtig jung. Eerst in dat Johr 2005 is dat Rebeet vun den Concelho Santa Catarina afsplitt worrn. De Distrikt umfaat blots de Lännereen rund üm de Stadt Picos un stellt mit ruchweg 31 km² den lüttsten Distrikt op dat Eiland dor.

De Concelho liggt mittenang dat Eiland. De Landschap is bargig, man de Hoochbargens vun’t Naturschuulrebeet Serra de Pico da Antónia leegt wieter in’n Süüden un tellt nich mehr to dat Rebeet. Blangen de Distrikthööftstadt mit den Sitt vun de Verwalten gifft dat op dat Rebeet blots noch en poor Dörper, de keen grote Bedüden hebbt. Dör dat Rebeet föhrt aver een vun de beiden wichtigsten Straten, de Tarrafal in’n Noorden mit Praia in’n Süden vun’t Eiland verbinnt.