Ruth Maria Kubitschek

Ruth Maria Kubitschek bi "Markus Lanz" (2011)

Ruth Maria Kubitschek (* 2. August 1931 in Komotau, Böhmen, Tschechoslowakei; † 1. Juni 2024 in de Swiez)) weer en düütsch Schauspelerin, Synchroonsnackerin un Schrieverin.

Leven

Nah dat Enn’ vun den Tweeten Weltkriegs is Kubitschek mit hör Familie ut Böhmen nah Köthen flücht. In Halle (Saale) un Weimar hett se denn Schauspeel studeert. In Halle geev se hör Debüt in Brecht sien Herr Puntila und sein Knecht Matti. Neben tallriek Theaterrullen speel se ok in DEFA-Filmproduktschonen. 1959 bleev se nah en Theaterengagement in Westdüütschland, wo se tonächst ebenfalls völ Theater speelt hett.

Dör dat Feernsehn keem se to en grooten Popularität, eerstmals 1966 in den Francis-Durbridge-Krimi Melissa. Neben Ralf Wolter speel se in de 13-deelig Feernsehreeg „Ein Fall für Titus Bunge“ en Hööftrull. Anner bekannt Feernsehrullen weern in: Tatort (1971 mit Klaus Schwarzkopf un Götz George, (Blechschaden), Der Kommissar (1972 „Blinde Spiele“), Monaco Franze – Der ewige Stenz (1983 mit Helmut Fischer), Kir Royal (1986 mit Franz Xaver Kroetz) – beid vun Helmut Dietl inszeneert – as ok Das Erbe der Guldenburgs (1986–1989).

As Synchroonsnackerin hett se hör Stimm ünner annern Danielle Darrieux (8 Frauen), Daliah Lavi (Old Shatterhand) un Delphine Seyrig (Muriel oder die Zeit der Wiederkehr) lehnt.

Kubitschek het en Söhn Alexander ut hör schett Ehe mit Götz Friedrich. Se is siet 1976 mit den Feernsehproduzenten Wolfgang Rademann tosommen un leevt in de Gemeend Salenstein an’ Bodensee in de Swiez. Dor schrifft se Böker un malt.

Kubitschek befaat sück privat intensiv mit Meditatschoon un Esoterik un hett mehrere Böker to disse Themen schreven.

Warken

• „Immer verbunden mit den Sternen“ (1993)
• „Wenn auf der Welt immer Weihnachten wär …“ (1994)
• „Engel, Elfen, Erdgeister“ (1995)
• „Im Garten der Aphrodite“ (1998)
• „Das Flüstern des Pans“ (2000)
• „Ein Troll in meinem Garten“ (2002)
• „Das Wunder der Liebe“ (2004)
• „Der indische Ring“ (2006)
• „Im Fluss des Lebens“ (2008)

All Warken keemen in den Nymphenburger Verlag München herut. In dat Hörbook „Ein Abend mit Ruth Maria Kubitschek“ (2007) leest Kubitschek ut hör Warken.

Filmografie (Utwahl)

Johr	Titel
1953	Jacke wie Hose
1956	Thomas Müntzer
1959	Senta auf Abwegen
1962	Er kann’s nicht lassen
1964	Der trojanische Krieg findet nicht statt, Feernsehn
1965	Nachtfahrt, Feernsehn
1966	Sperrbezirk
1967	Mittsommernacht
1967	Ein Fall für Titus Bunge, Feernsehreeg
1969	Madame und ihre Nichte
1970	Ich schlafe mit meinem Mörder
1972	Und der Regen verwischt jede Spur
1973	Desaster, Feernsehn
1970-75	Der Fall von nebenan, Feernsehreeg
1983	Monaco Franze – Der ewige Stenz, Feernsehreeg
1984	Kornelia, Feernsehn
1990	Ich will leben, Feernsehn
1987-90	Das Erbe der Guldenburgs, Feernsehreeg
1992	Otto – Der Liebesfilm
1992-95	Schloß Hohenstein – Irrwege zum Glück, Feernsehreeg
1992-96	Freunde fürs Leben, Feernsehreeg
1997	Katrin ist die Beste, Feernsehreeg
2000	Zwei Dickköpfe mit Format, Feernsehn
2001	Die Biester, Feernsehreeg
2003	Zwei Väter einer Tochter
2005	Prinz und Paparazzi, Feernsehn
2005	Drei teuflisch starke Frauen, Feernsehn
2006	Die Hochzeit meiner Töchter, Feernsehn
2007	Das Wunder der Liebe, Feernsehn
2008	Der indische Ring, Feernsehn
2008	Mamas Flitterwochen, Feernsehn
2011	Im Fluss des Lebens, Feernsehn
2011	Sommerlicht, Feernsehn
2012	Und weg bist Du, Feernsehn
2013	Frau Ella

Utteknungen

• 1983: Golden Gong för Monaco Franze, gemeensam mit Helmut Fischer un Helmut Dietl
• 1987: Goldene Kamera
• 1987: Bambi
• 2004: Bundsverdeenstkrüüz (1. Klass)
• 2005: Brisant Brillant för hör Levenswark
• 2010: Bayerisch Verdeenstorden
• 2011: Bambi för hör Levenswark

Weblenken

Ruth Maria Kubitschek. Mehr Biller, Videos oder Audiodateien to’t Thema gifft dat bi Wikimedia Commons.

• DNB-Katalog
• Ruth Maria Kubitschek in de Internet Movie Database (engelsch)
• Ruth Maria Kubitschek in de düütsch Synchroondatei
• Indrag bi de Agentur Alexander
• Offiziell Websteed vun Ruth Maria Kubitschek
• Personennaamdatei