Rudolf von Reiswitz und Kaderzin

Rudolf Günther Kurd Freiherr von Reiswitz und Kaderzin (* 6. Oktober 1847 in Berlin; † 30. November 1918 in Dresden) weer en düütschen Verwaltungsbeamten.

Von Reiswitz und Kaderzin is 1847 as Söhn von Auguste Johanne, borene Freiin von Lorenz (30. Oktober 1812-14. Mai 1892), un Alfred Alexander Karl Wilhelm von Reiswitz und Kaderzin (* 26. Oktober 1803-6. März 1872) in Berlin boren. He is 1871 in Berlin Gerichtsreferendar worrn un 1875 Gerichtsassesser in Rössel. 1876 is he in Schwiebus Kreisrichter worrn un 1877 Regerungsassesser bi’n Regerungsbezirk Köslin. 1880 hett he von Axel Eggert von Usedom dat Amt as Landraad von’n Kreis Rügen övernahmen un dit Amt bet 1886 behollen, as Victor von Koerber em aflööst hett. He is denn Regerungsraad bi’n Regerungsbezirk Kassel ween un 1890 Polizeidirekter in Danzig worrn. 1892 is he to’n Böverregerungsraad maakt worrn un hett denn bi’n Regerungsbezirk Wiesbaden arbeidt. He weer dor Baas von’t Präsidialafdeel.

Von Reiswitz und Kaderzin weer von 1899 bet 1909 as Nafolger von Edgar Himly Regerungspräsident von’n Regerungsbezirk Stood. Na em hett Kurd von Berg-Schönfeld dat Amt övernahmen.

He hett later den Rang von en Würklichen Gehemen Böverregerungsraad kregen un is to’n Ehrenridder von’n Johanniter-Orden slahn worrn.

Von Reiswitz und Kaderzin hett 1876 Klara Mathilde Freiin von Lorenz (25. Februar 1845-5. Januar 1921) freet. De beiden harrn de Kinner Alfred Ernst Hans Kurd (9. Januar 1878-22. November 1949), Klara Auguste Karoline (* 18. Februar 1880), Kurd Berthold Friedrich Joachim (1. März 1881-27. Mai 1940) un Klara Elisabeth Margarethe (1. März 1883-3. Januar 1960).